ବରୀ (ରତ୍ନଗିରି ନ୍ୟୁଜ) : ମଙ୍ଗଳବାର ଦିନ ରଙ୍ଗର ପର୍ବ ହୋଲିକୁ ବିଭିନ୍ନ ରାଜନୈତିକ ଦଳର ନେତୃମଣ୍ଡଳୀମାନେ ଭିନ୍ନ ଭିନ୍ନ ଢଙ୍ଗରେ ପାଳନ କରୁଥିବାବେଳେ ଏଥିରୁ ବାଦ ପଡିନାହାନ୍ତି ବରୀ ବିଧାନ ସଭା ଆସନ ପାଇଁ ବିଧାୟକ ପ୍ରାର୍ôଥ ଚର୍ଚ୍ଚାରେ ଥିବା ଯୁବ ନେତା ସଞ୍ଜୀବ ଜେନା । ନିଜ ଶ୍ୟାନ୍ତମୁଣ୍ଡସ୍ଥିତ ବାସଭବନରେ ରଙ୍ଗ ଓ ଭାଇଚାରାର ପର୍ବ ହୋଲି ପାଳନ ପାଇଁ ଶ୍ରୀ ଜେନା ସ୍ୱତନ୍ତ୍ର ବ୍ୟବସ୍ଥା କରିଥିଲେ । ବରୀ ନିର୍ବାଚନ ମଣ୍ଡଳୀର ବିଭିନ୍ନ ପଞ୍ଚାୟତରୁ ବହୁ ଦଳୀୟ ସର୍ମଥକ ଓ ଶୁଭେଚ୍ଛୁ ଶ୍ରୀ ଜେନାଙ୍କ ବାସଭବନରେ ପହଞ୍ôଚ ପୁଷ୍ପଗୁଚ୍ଛ ଓ ମିଠା ଦେଇ ରଙ୍ଗ ଲଗାଇ ହୋଲି ମନାଇଥିଲେ । ଶ୍ରୀ ଜେନା ଯେଉଁଭଳି ଭାବେ ସାଧାରଣ ଲୋକଙ୍କ ସୁଖଦୁଃଖର ସାଥି ହୋଇ ସେବା କରୁଛନ୍ତି ଭବିଷ୍ୟତରେ ସେ ଅଧିକରୁ ଅଧିକ ସେବା କରିବା ପାଇଁ ପ୍ରଭୁ ଶ୍ରୀଜଗନ୍ନାଥ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଶୀର୍ବାଦ ତାଙ୍କୁ ମିଳୁ ବୋଲି ଶୁଭେଚ୍ଛୁମାନେ ଶୁଭେଚ୍ଛା ଜଣାଇବା ସହ ଶୁଭ ମନାସି ଥିଲେ ।
ଏହି ଅବସରରେ ଶ୍ରୀ ଜେନା ଗୁରୁଜନମାନଙ୍କ ଠାରୁ ଆଶୀର୍ବାଦ କାମନା କରିବା ସହ ସାନମାନଙ୍କୁ ଶୁଭେଚ୍ଛା ଜଣାଇଥିଲେ । ଏହି କାର୍ଯ୍ୟକ୍ରମରେ ଯୁବନେତା ଗୁରୁଚରଣ ଦାସ, ସୁଶାନ୍ତ କୁମାର ଜେନା, ଅଭିରାମ ଦାସ, କୁଳମଣୀ ଜେନା, ସୁନନ୍ଦ ଜେନା, ତୁଷାର ଶାନ୍ତି, ମାନସ ଜେନାଙ୍କ ସମେତ ବହୁ ଶୁଭେଚ୍ଛୁ ଉପସ୍ଥିତ ଥିଲେ ।
