ମୟୂରଭଞ୍ଜ(ରତ୍ନଗିରି ନ୍ୟୁଜ) ୨୫/୦୩: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପରେ ଶେଷ ହୋଇଛି ପଞ୍ଚାୟତ ସମିତି ଅଧ୍ୟକ୍ଷ ଏବଂ ଅଧ୍ୟକ୍ଷା ନିର୍ବାଚନ। ତେବେ ମୟୂରଭଞ୍ଜ ଜିଲ୍ଲା ମୋରଡ଼ା ପଞ୍ଚାୟତ ସମିତି ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି ଚଢ଼େଇଗାଁ ସମିତି ସଭ୍ୟ ପିଥନାଥ ସୋରେନ। ଅପ୍ରତିଦ୍ବନ୍ଦି ଭାବେ ବିଜେଡିରୁ ନିର୍ବାଚିତ ହୋଇଛନ୍ତି। ମାତ୍ର ଆଜି ଅଧ୍ୟକ୍ଷଙ୍କ ପାଇଁ ଉଦ୍ଦିଷ୍ଟ କକ୍ଷରେ ପୂଜାର୍ଚ୍ଚନା କରି ଆସନ ଅଳଙ୍କୃତ କରିବା ପରେ କାର୍ଯ୍ୟରମ୍ଭ କରିଥିଲେ। ତେବେ ନିର୍ବାଚନରେ ନିର୍ବାଚିତ ହୋଇ ଅଧ୍ୟକ୍ଷ ଭାବେ ଆଜି କାର୍ଯ୍ୟାରମ୍ଭ କରୁଥିବାରୁ ପୂର୍ବତନ ବିଜେଡି ରାଜ୍ୟ ପରିଷଦ ସଦସ୍ୟ ସମୀର କୁମାର ରାଜ,ଜିଲ୍ଲା ବିଜେଡି ମହିଳା ସଙ୍ଗଠନ ସଭାନେତ୍ରୀ ଦୀପ୍ତିଲତା ମିଶ୍ର, ଜିଲ୍ଲା ମିଶନଶକ୍ତି ସଭାନେତ୍ରୀ ତଥା ବିଜେଡି ରାଜ୍ୟ ସମ୍ପାଦିକା ବିଷ୍ଣୁପ୍ରିୟା ଦାସ ଏବଂ ଶତଦଳ ମହାନ୍ତ ପୁଷ୍ପଗୁଚ୍ଛ ଦେଇ ଅଭିନନ୍ଦନ ଜଣାଇଥିଲେ। ସେହିପରି ମୋରଡ଼ା ବିଡ଼ିଓ,ପୂର୍ବତନ ବ୍ଲକ ଅଧ୍ୟକ୍ଷା ତଥା ବିଜେଡି ଜିଲ୍ଲା ଉପ-ସଭାନେତ୍ରୀ ସାଲତି ମୁର୍ମୁ ବିଭିନ୍ନ ପଞ୍ଚାୟତର ସମିତି ସଭ୍ୟ/ସଭ୍ୟା ଓ ସରପଞ୍ଚମାନେ ପୁଷ୍ପଗୁଚ୍ଛ ଦେଇ ଅଭିନନ୍ଦନ ଜଣାଇଥିଲେ। ସୂଚନାଯୋଗ୍ୟ ଯୁବନେତା ସଂଜୀବ କୁମାର ଦେ ଏବଂ ସମୀର ରାଜଙ୍କ ନେତୃତ୍ୱରେ ବିଧାୟକ ରାଜକିଶୋର ଦାସଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି ପିଥନାଥ ସୋରେନ।
ରିପୋର୍ଟ : ତପନ କୁମାର ଦଣ୍ଡପାଟ ମୟୂରଭଞ୍ଜ
