ଜୁନାଗଡ଼(ରତ୍ନଗିରି ନ୍ୟୁଜ) : କଳାହାଣ୍ଡି ଜିଲ୍ଲା ଜୁନାଗଡ଼ ବ୍ଲକ ଅନ୍ତର୍ଗତ ଚିଙ୍ଗୁଡ଼ିଶର ଜଣେ ମହିଳାଙ୍କୁ ନାଗସାପ ଦଂଶନ କରିବା ପରେ ମହିଳାଙ୍କ ମୃତ୍ୟୁ ହୋଇଛି । ଚିଙ୍ଗୁଡ଼ିଶର ଗ୍ରାମର ପରମନନ୍ଦ ବିଶ୍ବାଳଙ୍କ ସ୍ତ୍ରୀ ବାସନ୍ତୀ ବିଶ୍ବାଳ ଗତକାଲି ସନ୍ଧ୍ୟା ୬.୩୦ ସମୟରେ ଶୌଚ କରିବା ପାଇଁ ବାହାରକୁ ଯାଇଥିଲେ । ଶୌଚସାରି ଫେରୁଥିବା ବେଳେ ଅନ୍ଧାରରେ ଗୋଖର ନାଗସାପ ଗୋଡ଼ରେ ଦୁଇଥର ଦଂଶନ କରିଥିଲା । ଯେହେତୁ ଗ୍ରାମରେ ଏକ ବିବାହ ଥିବାରୁ ତାଙ୍କ ସ୍ବାମୀ ବରଯାତ୍ରୀ ସହିତ ଯାଇଥିଲେ । ପରେ ଗ୍ରାମର ସମ୍ପର୍କୀୟ ମାନେ ବାସନ୍ତୀଙ୍କୁ ଭବାନୀପାଟଣା ସଦର ମୁଖ୍ୟ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ଚିକିତ୍ସାଧୀନ ଅବସ୍ଥାରେ ବାସନ୍ତୀ ବିଶ୍ବାଳଙ୍କ ମୃତ୍ୟୁ ହୋଇଛି । ବାସନ୍ତୀଙ୍କ ଛୋଟ ଛୋଟ ଗୋଟିଏ ପୁଅ ଓ ଝିଅ ଅଛନ୍ତି ।
