ବରଗଡ(ରତ୍ନଗିରି ନ୍ୟୁଜ ) : ବିନ୍ଧ୍ୟବାସିନୀ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ବୁଧବାର ସ୍ବଭାବ କବି ଗଙ୍ଗାଧର ମେହେର ଙ୍କ ୧୬୧ତମ ଜୟନ୍ତି ପାଳିତ ହୋଇଯାଇଛି । ଅଧ୍ୟାପିକା ରଂଜିତା ମହାନ୍ତିଙ୍କ ସଂଯୋଜନାରେ ଅନୁଷ୍ଠିତ ସଭାରେ ଅଧ୍ୟକ୍ଷ ଶ୍ୟାମଲାଲ ପ୍ରଧାନ ସଭାପତିତ୍ବ କରିଥିବା ବେଳେ ଅଧ୍ୟାପିକା ସବିତା ଭୋଇ ସ୍ବାଗତ ଭାଷଣ ପ୍ରଦାନ କରିଥିଲେ ।
ମୂଖ୍ୟ ଅତିଥି ଭାବେ ଅଞ୍ଚଳ ମହାବିଦ୍ୟାଳ ପଦ୍ମପୁର ର ବରିଷ୍ଠ ଓଡିଆ ଅଧ୍ୟାପକ ଡ. ସରୋଜ ନାୟକ, ମୂଖ୍ୟ ବକ୍ତା ଭାବେ ପଞ୍ଚାୟତ ସମିତି ଡିଗ୍ରୀ କଲେଜ ଝାରବନ୍ଧର ଓଡିଆ ଅଧ୍ୟ୍ୟାପିକା ରିତାଞ୍ଜଳୀ ଗୁରୁ ଯୋଗ ଦେଇ ଗଙ୍ଗାଧର ସାହିତ୍ୟରେ ଥିବା ଆଦର୍ଶ ଦିଗକୁ ଆଲୋଚନ କରିଥିଲେ । ଛାତ୍ରୀମାନଙ୍କ ଦ୍ବାରା ସ୍ବାଗତ ଓ ସମାପନ ସଂଗୀତ ଗାନ କରାଯାଇଥିଲା । ଅଧ୍ୟାପକ ଫିରୋଜ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।
