ବରୀ (ରତ୍ନଗିରି ନ୍ୟୁଜ) : ଆସନ୍ତା ଅପ୍ରେଲ ମାସ ୧ତାରିଖ ସୋମବାର ଦିନ ସକାଳ ୯ଘଟିକା ସମୟରେ ବଡଚଣା ବ୍ଲକ୍ ଅର୍ନ୍ତଗତ ବାଲିକୁଦା ବଜାର ସନ୍ନିକଟ ମା’ ମଙ୍ଗଳା କଲ୍ୟାଣ ମଣ୍ଡପରେ ଯୁଗାନ୍ତର ସାଂସ୍କୃତିକ ପରିଷଦ, ରଇପୁର, ଯାଜପୁର ପକ୍ଷରୁ ଉତ୍କଳ ଦିବସ ସମାରୋହ ୨୦୨୪ ଅନୁଷ୍ଠିତ ହେବ ବୋଲି ପରିଷଦର ସମ୍ପାଦକ ଡକ୍ଟର ଭାଗ୍ୟଧର ସାହୁ ସୂଚନା ଦେଇଛନ୍ତି । ଏହି ଅବସରରେ ଅନୁଷ୍ଠିତ ଉତ୍ସବରେ ପରିଷଦର ସଭାପତି କିଶୋର ଚନ୍ଦ୍ର ଦାଶ ସଭାପତିତ୍ୱ କରିବାର କାର୍ଯ୍ୟକ୍ରମ ରହିଥିବାବେଳେ ଉଦ୍ଘାଟକ ଭାବେ ବର୍ଷିୟାନ କବି ପ୍ରଭାକର ଶତପଥି, ମୁଖ୍ୟଅତିଥିଭାବେ ପ୍ରଫେସର ଡକ୍ଟର ହରିହର କାନୁନଗୋ ଓ ମୁଖ୍ୟବକ୍ତାଭବେ ଡାକ୍ତର ରୁଦ୍ରନାରାୟଣ ପୃଷ୍ଟି ଯୋଗ ଦେବାର କାର୍ଯ୍ୟକ୍ରମ ରହିଛି । ସମାରୋହ ଅବସରରେ ବିଭିନ୍ନ କ୍ଷେତ୍ରରେ କୃତିତ୍ୱ ଅର୍ଜନ କରିଥିବା ପ୍ରଫେସର ଡକ୍ଟର ହରିହର କାନୁନଗୋ, ଡାକ୍ତର ରୁଦ୍ର ନାରାୟଣ ପୃଷ୍ଟି, ଡାକ୍ତର ରାଜକିଶୋର ପଣ୍ଡା, ସାହିତ୍ୟିକ ହରେକୃଷ୍ଣ ପଣ୍ଡା, ସମାଜସେବୀ ଡାକ୍ତର ଆଦ୍ୟ ଅନିନ୍ଦିତା, ବିଶିଷ୍ଟ ଚିତ୍ରଶିଳ୍ପୀ ଚିତ୍ରସେନ ବେହେରା, ଡାକ୍ତରୀ ଛାତ୍ର ରଜନୀକାନ୍ତ ପରିଡା, ଆଦର୍ଶ ଶିକ୍ଷକ ଗଙ୍ଗାଧର ମହାନ୍ତି, ସମ୍ଭକାର ମିହିର ପ୍ରତାପ ଦାସ, ସମାଜସେବୀ କୁଳମଣୀ ଶୁକ୍ଳ, ଆଦର୍ଶ ଶିକ୍ଷକ ବ୍ରଜ ମୋହନ ସାମଲ, ସାହିତ୍ୟିକ ଡକ୍ଟର ମହେଶ୍ୱର ଜେନା ସାମନ୍ତ ଓ ସମାଜସେବୀ ହାଡିବନ୍ଧୁ ସେନାପତି ପ୍ରମୁଖଙ୍କୁ ବିଭିନ୍ନ ସମ୍ମାନରେ ସମ୍ବର୍ଦ୍ଧିତ କରାଯିବାର କାର୍ଯ୍ୟକ୍ରମ ରହିଛି । ଏହି ଅବସରରେ ଛୋଟ ଛୋଟ କବିତାରେ ଏକ ଆସର ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି ବୋଲି ଅନୁଷ୍ଠାନର ସମ୍ପାଦକ ଡକ୍ଟର ଭାଗ୍ୟଧର ସାହୁ ସୂଚନା ଦେଇଛନ୍ତି ।
