ବରୀ (ରତ୍ନଗିରି ନ୍ୟୁଜ) : ବରୀ ବ୍ଲକ ଅନ୍ତର୍ଗତ ଅଜାଣ ପିଡ଼ିଆଠାରେ ୟୁଥ 94 ଆସୋସିଏସ ପକ୍ଷରୁ ଚାଲିଥିବା ଅଜାଣ ପ୍ରମିୟର ଲିଗ ର ଫାଇନାଲ ମ୍ୟାଚରେ ପଂଚୁପାଣ୍ଡବକୁ 4 ଉଇକେଟରେ ପରାସ୍ତ କରି ହଳଦିବସନ୍ତ ଚଳିତ ବର୍ଷର ଚମ୍ପିୟାନ ହୋଇଛି l ପ୍ରଥମେ ପଞ୍ଚୁପାଣ୍ଡବ ଟସ ଜିତି ବ୍ୟାଟିଂ ପାଇଁ ନିଷ୍ପତି ନେଇଥିଲା l 19 ଓଭରରେ ସମସ୍ତ ଉଇକେଟ ହରାଇ 142 ରନ କରିଥିଲା ବେଳେ ଏହାର ଜବାବରେ ଜେସିସି ହଳଦିବସନ୍ତ 12 ଓଭରରେ 143 ରନ କରି ବିଜୟୀ ହୋଇଥିଲା l ଉଦଯାପନୀ ଉତ୍ସବରେ ମୁଖ୍ୟ ଅତିଥିଭାବେ କଂଗ୍ରେସର ଯୁବ ନେତା ଉମେଶ ଚନ୍ଦ୍ର ଜେନା ଯୋଗଦେଇ ବିଜୟୀ ଦଳକୁ ଟ୍ରଫି ସହ 10 ହଜାର ଟଙ୍କା ପ୍ରଦାନ କରିଥିଲେ l ଅନ୍ୟତମ ଅତିଥି ଭାବେ ଯୁବ ସମାଜସେବୀ ମନୋଜ ମଲ୍ଲ ରନରସପ ଦଳକୁ ଟ୍ରଫି ସହ 5 ହଜାର ଟଙ୍କା ପୁରସ୍କାର ଦେଇଥିଲେ l ଅନ୍ୟମାନଙ୍କ ମଧ୍ୟରେ ୟୁଥ କ୍ଲବର ସଭାପତି ଲଲାଟେନ୍ଦୁ ନାୟକ, ସୁଭାଶିଷ ଦାସ, ମନୋଜ ଦାସ,ବିଜୟ ରଥ, ପୂର୍ବତନ ସେନା କର୍ମଚାରୀ ଅପୂର୍ବ ସାମଲ, କନେସ ନାୟକ, ମୁକେଶ ଦାସ ପ୍ରମୁଖ ସହାୟତା କରିଥିବା ବେଳେ ଖେଳକୁ ପରିଚାଳନା କରିଥିଲେ ଡି .କେ ନାଥ ଓ ସମୀର ନାୟକ l ଗୋପାଳ ଦଳାଇ ଓ ସରୋଜ ସାହୁ ଫାଇନାଲ ମ୍ୟାଚର ଧାରାବିବରଣୀ ପ୍ରଦାନ କରିଥିବା ବେଳେ ହିମାଂଶୁ, ସୁନୀଲ, ଜ୍ଞାନଜିତ, ରଶ୍ମି ପ୍ରମୁଖ ସ୍କୋରରେ ସହାୟତା କରିଥିଲେ
