ବରୀ (ରତ୍ନଗିରି ନ୍ୟୁଜ) ୦୭/୦୨: ବରୀ ଶିକ୍ଷା ମଣ୍ଡଳ ଅଧୁନସ୍ଥ ସେରପୁର ପ୍ରାଥମିକ ବିଦ୍ୟାଳୟର ଶିକ୍ଷକ ନକୁଳ ଚରଣ ରାଉତ ଏହି ପଞ୍ଚାୟତର ଜଣେ ସରପଞ୍ଚ ପ୍ରାର୍ଥୀଙ୍କ ସହ ପ୍ରଚାରରେ ବୁଲୁଥିବାର ଦେଖୁକୁ ମିଳିଥିଲା । ଏହି ଫଟୋ ସାମାଜିକ ଗଣମାଧ୍ୟମରେ ଘୁରି ବୁଲୁଥିଲା । ସେହିପରି ଗମୁଁ ଉଚ୍ଚ ବିଦ୍ୟାଳୟର ଶିକ୍ଷକ କୁମାର ଶୁକ୍ଳ ଜିଲ୍ଲାପରିଷଦ ପ୍ରାର୍ଥୀ ଦିଲ୍ଲୀପ ମହାନ୍ତିଙ୍କ ନିର୍ବାଚନୀ ମଞ୍ଚରେ ପୁରସ୍କାର ବିତରଣ କରୁଥିବାର ଦୃଶ୍ୟ ଦେଖା ଯାଇଥିଲା । ନିର୍ବାଚନ ଆଚରଣବିଧୂ ଲାଗିଥିବା ସମୟରେ ଦୁଇ ଶିକ୍ଷକଙ୍କ ଫୋଟୋ ଭାଇରଲ ହେବାପରେ ଜିଲ୍ଲା ପ୍ରଶାଶନ ଏହାର ତଦନ୍ତ ଦାୟିତ୍ବ ବିଡିଓ ଶିବାନନ୍ଦ ସ୍ୱାଇଁଙ୍କୁ ଦେଇଥିଲେ । ଶ୍ରୀ ସ୍ୱାଇଁ ଏହାର ତଦନ୍ତ କରି ରିପୋର୍ଟ ପ୍ରଦାନ କଲାପରେ ଜିଲ୍ଲା ପ୍ରଶାସନ ସୋମବାର ଉକ୍ତ ଦୁଇ ଶିକ୍ଷକଙ୍କୁ ନିଲମ୍ବିତ କରିଛନ୍ତି ।
