ନିଶ୍ଚିନ୍ତକୋଇଲି, ରତ୍ନଗିରି ନ୍ୟୁଜ (ରିପୋର୍ଟ -ନମିତା ଦାସ): ସର୍ବ ଭାରତୀୟ କଂଗ୍ରେସ କମିଟି ସଭାପତି ସୋନିଆ ଗାନ୍ଧୀଙ୍କ ଆହ୍ଵାନ କ୍ରମେ ମାହାଙ୍ଗା ନିର୍ବାଚନ ମଣ୍ଡଳୀ ବରିଷ୍ଠ କଂଗ୍ରେସ ନେତା ପ୍ରଦୀପ୍ତ ଦାସଙ୍କ ନେତୃତ୍ୱ ତଥା ଓଡିଶା ପ୍ରଦେଶ କଂଗ୍ରେସ କମିଟିର ମୁଖ୍ୟ ପ୍ରଶିକ୍ଷକ ଶୁଭେନ୍ଦୁ ମହାନ୍ତିଙ୍କ ସଂଯୋଜନା ରେ ନିଶ୍ଚିନ୍ତକୋଇଲି ବଜାର ସାଇ ମଣ୍ଡପ ପରିସରରେ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ଉଦ୍ଘାଟକ ରୂପେ ପୂର୍ବତନ ମନ୍ତ୍ରୀ ବିଜୟଲକ୍ଷ୍ମୀ ସାହୁ ଯୋଗଦାନ କରି ପ୍ରଶିକ୍ଷଣ ଶିବିରର ମୁଖ୍ୟ ଉଦେଶ୍ୟ ସମ୍ପର୍କରେ ବକ୍ତବ୍ୟ ପ୍ରଦାନ କରିବା ସହ ବିଜେଡି ଓ ବିଜେପି ଦଳକୁ କଟୁ ସମାଲୋଚନା କରିଥିଲେ । ଏହି ଶିବିରରେ ସଂମାନିତ ଅତିଥି ଭାବେ ପୂର୍ବତନ କଂଗ୍ରେସ ମୁଖପାତ୍ର ଗିରିଜାଶଙ୍କର ଦାସ,ଅନୁଗୁଳ ଜିଲ୍ଲା ପ୍ରଶିକ୍ଷଣ ଶିବିର ସଂଯୋଜକ ତଥା ନାରିନେତ୍ରୀ ଏଲ. ମାଣିକପ୍ରଭା , ଓଡିଶା ମସ୍ୟଜୀବୀ ସଂଘର ଅଧକ୍ଷ ଯୁବନେତା ହଳଧର ସେଠୀ,ମାନସ ମଳିକ,ନିର୍ମଳ ପଣ୍ଡା,ଅମିତ ମହାନ୍ତି, ନିରଂଜନ ଲେଙ୍କା ପ୍ରମୁଖ ଶିବିରରେ ଯୋଗଦାନ କରି କଂଗ୍ରେସର 70 ବର୍ଷ କାର୍ଯ୍ୟକାରିତା ସମ୍ପର୍କରେ ଗଭୀର ଭାବେ ଆଲୋକପାତ କରିଥିଲେ । ଏହି ପ୍ରଶିକ୍ଷଣ ଶିବିରରେ ମାହାଙ୍ଗା ନିର୍ବାଚନ ମଣ୍ଡଳୀରୁ 200 ରୁ ଉର୍ଦ୍ଧ୍ବ କଂଗ୍ରେସ କର୍ମୀ ଯୋଗଦାନ କରି ପ୍ରଶିକ୍ଷଣ ଗ୍ରହଣ କରିଥିଲେ । ଅନ୍ୟମାନଙ୍କ ମଧ୍ୟରେ କଂଗ୍ରେସ ନେତା ଭୁକାଳୀ ସେଠି,ଦୀପକ କୁମାର ସାହୁ,ସରୋଜ ପରିଡା,ଦେବଦତ ଜେନା, ଦୀପକ ମହାନ୍ତି,ସୁକାନ୍ତ ନନ୍ଦ,ସଞ୍ଜୟ ବେହେରା,ନିଶ୍ଚିନ୍ତକୋଇଲି ବ୍ଲକ କଂଗ୍ରେସ ସଭାପତି ଦିଲ୍ଲୀପ ରାଉତ,ମନ୍ମଥ ଖଟୁଆ,ନଳିନିକାନ୍ତ ନାୟକ,ପଣ୍ଡିତ ପ୍ରଭାତ କର,ସଂଗ୍ରାମ ସାମଲ, ନିରାକାର ପ୍ରଧାନ ଙ୍କ ସମେତ ବହୁ କଂଗ୍ରେସ ନେତା ଯୋଗଦାନ କରିଥିଲେ ।
