ସାନଖେମୁଣ୍ଡି(ରତ୍ନଗିରି ନ୍ୟୁଜ)୦୭/୦୨: ଭୋଟ ଗ୍ରହଣ କେନ୍ଦ୍ର ଗୁଡିକରେ ନିୟୋଜିତ ହେବାକୁ ଥିବା ସମସ୍ତ ପ୍ରିଜାଇଡିଙ୍ଗ ଅଫିସରମାନଙ୍କର ଏକ ତାଲିମ ଶିବିର ପୃଥକ ଦୁଇଟି ସ୍ଥାନରେ ଅନୁଷ୍ଠିତ ହୋଇଯାଇଛି I ଭୋଟଦାନ କେନ୍ଦ୍ର ଗୁଡ଼ିକରେ ଭୋଟ ଗ୍ରହଣ ବ୍ୟବସ୍ଥାକୁ ନେଇ ପୋଲିଂ ପ୍ରିଜାଇଡିଂ ଅଫିସର ମାନେ କିଭଳି ନିରପେକ୍ଷ ଓ ଶାନ୍ତିପୂର୍ଣ ଭାବେ ସୁପରିଚାଳନା କରିପାରିବେ ତାହାକୁ ନେଇ ତାଲିମ ଦିଆଯାଇଥିଲା I
ସାନଖେମୁଣ୍ଡି ବ୍ଲକ୍ ସମ୍ମିଳନୀ କକ୍ଷ ଓ ପାଟପୁର ବିଶ୍ୱାସରାୟ କଲେଜ ପରିସରରେ ପୃଥକ୍ ଭାବେ ତାଲିମ୍ କାର୍ଯ୍ୟକ୍ରମରେ ବ୍ଲକ୍ ନିର୍ବାଚନ ଅଧିକାରୀ ତଥା ବିଡ଼ିଓ ଗାୟତ୍ରୀ ଦତ୍ତ ନାୟକ ତହସିଲଦାର ଡ ଶ୍ରୀନିବାସ ବେହେରା ଗ୍ରାମପଞ୍ଚାୟତ ଅଧିକାରୀ ବୈଜୟନ୍ତି ମୁଣ୍ଡା କଲ୍ୟାଣ ଅଧିକାରୀ ଜୟନ୍ତ ସାମନ୍ତସିଂହାର ପ୍ରମୁଖ ଭୋଟବାକ୍ସ ବେଲଟ ପେପର୍ ପରିଚାଳନା ସହ ନିର୍ବାଚନ ଆୟୋଗ ଙ୍କ ପକ୍ଷରୁ ଜାରି ହୋଇଥିବା ଭୋଟ ପ୍ରକ୍ରିୟା ଓ ବିଭିନ୍ନ ଆଇନ ସମ୍ପର୍କ ରେ ତାଲିମ ପ୍ରଦାନ କରିଥିଲେ l
ରିପୋର୍ଟର : ରଘୁନାଥ ନାୟକ, ସାନଖେମୁଣ୍ଡି
