ବରୀ( ରତ୍ନଗିରି ନ୍ୟୁଜ ): ନଦୀରେ ନିଖୋଜ ହେଲେ ଆଉ ଜଣେ ମହିଳା l ଶୌଚ ହେବା ପାଇଁ ନଈ କୁ ଯାଇ ମହିଳା ନିଖୋଜ ହେବା ଘଟଣା ଘଟିଛି ଯାଜପୁର ଜିଲ୍ଲା ବରୀ ବ୍ଲକ ଅନ୍ତର୍ଗତ ବୋଦୁଅ ପଞ୍ଚାୟତ ଏରଡ଼ା ଗାଁ ରେ l ଏହି ଗାଁ ର ଶେଖର ମଳିକଙ୍କ ସ୍ତ୍ରୀ ରିନୁ ମଳିକ ସକାଳୁ ଶୌଚ ହେବାପାଇଁ ନିକଟସ୍ଥ ଚିଙ୍ଗୁଡ଼ିଆ ନାଳକୁ ଯାଇଥିବା ବେଳେ ନଦୀର ପ୍ରଖର ସ୍ରୋତରେ ଭାସିଯାଇ ଥିଲେ l ଗ୍ରାମବାସୀ ବହୁ ଖୋଜାଖୋଜି କରି ନିରାଶ ହୋଇଥିଲେ l ଖବର ପାଇ ବରୀ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଚଳାଇ ଥିଲେ ବି ନିଖୋଜ ମହିଳାଙ୍କ ଏଯାଏଁ ପତ୍ତା ମିଳିନାହିଁ l
