ଧର୍ମଶାଳା (ରତ୍ନଗିରି ନ୍ୟୁଜ) : ବିରଜା ଭୂମି ଏକ୍ସପ୍ରେସ୍ର ଦ୍ଵିତୀୟ ସୁନକ୍ଷତ୍ର ଉତ୍ସବ ରବିବାର ଜାରକାସ୍ଥିତ ପ୍ରୟାଗ କଲ୍ୟାଣ ମଣ୍ଡପଠାରେ ସମ୍ପାଦକ ନିର୍ମଳଚନ୍ଦ୍ର ସାମଲଙ୍କ ସଭାପତିତ୍ଵରେ ଅନୁଷ୍ଠିତ ହୋଇଯାଇଛି। ଉତ୍ସବକୁ ବରିଷ୍ଠ ସାମ୍ବାଦିକ ଗୋରେଖନାଥ ସାହୁ ଉଦ୍ଘାଟନ କରିଥିଲେ। ମୁଖ୍ୟ ଅତିଥିଭାବେ ସ୍ତମ୍ଭକାର ବିଜୟ ଦାସ ଯୋଗଦେଇ ଥିବା ବେଳେ ସମ୍ମାନିତ ଅତିଥ୍ ଭାବେ ଗୋକର୍ଣ୍ଣିକା ର ସମ୍ପାଦକ ସାମ୍ବାଦିକ ରମାକାନ୍ତ ଜେନା, ଓଳାଶୁଣୀ ପତ୍ରିକାର ସମ୍ପାଦକ ଶୁଭେନ୍ଦୁ ଭୂୟାଁ ଯୋଗଦେଇ ସାମ୍ବାଦିକତା ସମ୍ପର୍କରେ ନିଜ ଅନୁଭୂତି ବର୍ଣ୍ଣନା କରିଥିଲେ। ସାମ୍ବାଦିକ ସୁରେଶ ବିଶ୍ବାଳ ସ୍ଵାଗତ ଭାଷଣ ଦେଇଥିବାବେଳେ ଅନିଲ କୁମାର ଦାସ ଅତିଥ୍ ପରିଚୟ ପ୍ରଦାନ କରିଥିଲେ।
ଏହି ଅବସରରେ ବିରଜା ଭୂମିର ସ୍ୱନକ୍ଷତ୍ର ସଂଖ୍ୟାକୁ ଅତିଥିମାନେ ଉନ୍ମୋଚନ କରିଥିଲେ। କାର୍ଯ୍ୟକ୍ରମରେ ସ୍ତମ୍ଭକାର ବିଜୟ ଦାସ, ଗୋରେଖନାଥ ସାହୁ, ଶୁଭେନ୍ଦୁ ଭୂୟାଁ, ରୀନାରାଣୀ ମହାନ୍ତି, ନାମରନ୍ ଓଝା, ଆକୁଳି ଚରଣ ରାଉତ, ଗୋଲକ ଚନ୍ଦ୍ର ପଲେଇ, ସେକ୍ ଆଲାଉଦିନ୍, ଧୀରେନ୍ଦ୍ର ମଲିକ, ସେକ୍ କଲିମ୍, ଜିତେନ୍ଦ୍ର ଜେନା, ରଞ୍ଜିତା ପରିଡ଼ା, କାର୍ତ୍ତିକ ମଲିକ, ସୁପ୍ରଭା ମଲିକ, ସବିତା ହୋତା ଓ ଆକାଂକ୍ଷା ବିଶ୍ୱାଳ ପ୍ରମୁଖଙ୍କୁ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ସମ୍ବର୍ଦ୍ଧିତ କରାଯାଇଥିଲା। ସଭା ପ୍ରାରମ୍ଭରେ କବୟିତ୍ରୀ ରୀନାରାଣୀ ମହାନ୍ତିଙ୍କ ସଂଯୋଜନାରେ ଅନୁଷ୍ଠିତ କବିତାପାଠୋତ୍ସବ ବହୁ କବି ନିଜର କବିତା ପାଠ କରିଥିଲେ। ଆକାଂକ୍ଷା ବିଶ୍ଵାଳ ମଞ୍ଚ ପରିଚାଳନା କରିଥିବାବେଳେ ସାମ୍ବାଦିକ ମାନସ ରଞ୍ଜନ ବିଶ୍ୱାଳ ଧନ୍ୟବାଦ ଦେଇଥିଲେ।
