ଝାରସୁଗୁଡ଼ା(ରତ୍ନଗିରି ନ୍ୟୁଜ) : ଝାରସୁଗୁଡା ଜିଲ୍ଲା ଲଖନପୁର ବ୍ଲକ ଅଂଚଳରେ ଆଜି ବିଭିନ୍ନ ପ୍ରକଳ୍ପର ଶିଳାନ୍ୟାସ କଲେ ସ୍ୱାସ୍ଥ୍ୟ ମନ୍ତ୍ରୀ ନବ କିଶୋର ଦାସ l ଏହାସହ ସ୍ଥାନୀୟ ଲୋକଙ୍କସହ ଆଲୋଚନା କରି ସେମାନଙ୍କ ଅଂଚଳରେ ଥିବା ସମସ୍ୟା ବିଷୟରେ ପଚାରି ବୁଝିଛନ୍ତି l ଆଗାମୀ ଦିନରେ ଲଖନପୁର, ବେଲପାହାଡ, ବ୍ରଜରାଜନଗର ଅଂଚଳରେ ଥିବା ସମସ୍ତ ସମସ୍ୟାର ସମାଧାନ ପାଇଁ ଏକ ଖସଡା ପ୍ରସ୍ତୁତ କରାଯାଇଥିବା ସ୍ୱାସ୍ଥ୍ୟମନ୍ତ୍ରୀ କହିଛନ୍ତି l 2 ବର୍ଷ ମଧ୍ୟରେ ପିଇବା ପାଣି ସମସ୍ୟା ଦୁରିକରଣ, ଉନ୍ନତ ରାସ୍ତାଘଟ ନିର୍ମାଣ, ପ୍ରତ୍ୟେକ ପଂଚାୟତରେ 2 ଟି ଲେଖାଏଁ କଲ୍ୟାଣ ମଣ୍ଡପ ଏବଂ ଏସଏଚଜି ଗ୍ରୁପର ମହିଳାମାନଙ୍କ ପାଇଁ ଗୋଷ୍ଟୀ କେନ୍ଦ୍ର ନିର୍ମାଣ, 3 ଟି ଲେଖାଏଁ ପୋଖରୀ ନିର୍ମାଣ, ଆଲୋକୀକରଣ ଏବଂ କୃଷି କ୍ଷେତ୍ରରେ ଉନ୍ନତି କରାଯିବ ବୋଲି ସ୍ୱାସ୍ଥ୍ୟମନ୍ତ୍ରୀ ପ୍ରତିଶୃତି ଦେଇଛନ୍ତି l ତେବେ ଆଜି ପିପିଲିକାନି କୁମ୍ଭାରବନ୍ଧ ମଧ୍ୟରେ ରାସ୍ତା ଓ 700 ମିଟର ବିଜୁ ସେତୁ ନିର୍ମାଣ ପାଇଁ ଶିଳାନ୍ୟାସ, ଦଳଗାଁ ଓ କୁମ୍ଭାରବନ୍ଧ ଠାରେ କଲ୍ୟାଣ ମଣ୍ଡପ ନିର୍ମାଣ ପାଇଁ ସ୍ୱାସ୍ଥ୍ୟମନ୍ତ୍ରୀ ଶିଳାନ୍ୟାସ କରିଛନ୍ତି l
