ବାଲିଆପାଳ(ରତ୍ନଗିରି ନ୍ୟୁଜ)୨୫/୦୧: ବାଲେଶ୍ଵର ଜିଲ୍ଲା ଜଳେଶ୍ଵର ଥାନା ଶେଖବାଡ ଗ୍ରାମ ରେ ଅଘଟଣ। ଜଣେ ବିବାହିତା ମହିଳାଙ୍କୁ ଶ୍ବଶୁର ଘର ଲୋକେ ମିଶି ମାରିଦେଇଥିବା ଥାନାରେ ଅଭିଯୋଗ ହୋଇଛି । ସୂଚନା ଅନୁସାରେ ଶେଖବାଡ ଗ୍ରାମର ସେକ ସରିଫୁଲ ଖାନ ଙ୍କ ପୁଅ ସାବିର ହୋସେନ ସିଙ୍ଗଲା ଥାନା କାଦରାୟାଁ ଗ୍ରାମ ସାମିନା ବିବିଙ୍କୁ ଗତ 2020 ଜାନୁୟାରୀ ମାସରେ ବିବାହ କରିଥିଲେ। ବିବାହର କିଛି ଦିନ ପରେ ସ୍ବାମୀ ସହ ପରିବାର ଲୋକେ ମିଶି ଝିଅକୁ ମାନସିକ ଓ ଶାରିରୀକ ନିର୍ଯ୍ୟାତନା ଦେବା ସହିତ 2 ଲକ୍ଷ ଟଙ୍କା ଏବଂ ଏକ ମଟର ସାଇକେଲ ଦେବାକୁ ଝିଅର ପରିବାର ଉପରେ ଚାପ ପକାଇଥିଲେ। ବାପ ଘର ଲୋକେ ଝିଅର ଦୁଃଖ ସହ୍ୟ କରି ନପାରି ଗୋଟିଏ ହୋଣ୍ଡା ସ୍କୁଟି ମଟର ସାଇକେଲ ଦେଇଥିଲେ। ପରେ ଝିଅ ଏକ କନ୍ୟା ସନ୍ତାନ ଜନ୍ମ ଦେଇଥିଲେ ମଧ୍ୟ , 2 ଲକ୍ଷ ଟଙ୍କା ନପାଇ ହିଂସ୍ର ପରିବାର ବୋହୁକୁ ବିଷ ଦେଇ ମାରିଦେଇଥିବା ମୃତକଙ୍କ ଭାଇ ଜଳେଶ୍ଵର ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗ ପାଇ ପୋଲିସ ମୃତ ଶବକୁ ବାଲେଶ୍ଵର ମେଡିକାଲରେ ଜବତ କରିବା ସହିତ ପୋଷ୍ଟମର୍ଟମ କରି ବାପ ଘର ଲୋକଙ୍କୁ ହସ୍ତାନ୍ତର କରି ପୁଅର ମା’କୁ ଅଟକ ରଖି ତଦନ୍ତ ଜାରି ରଖିଛି।
ରିପୋର୍ଟ : ସୁବାସ ଦାସ,ବାଲିଆପାଳ
