କୋଲକାତାରେ ଚମକିଲେ ବେଲପାହାଡ଼ ବଡି ବିଲ୍ଡର ବିକାଶ ମହାନ୍ତି

ଝାରସୁଗୁଡ଼ା (ରତ୍ନଗିରି ନ୍ୟୁଜ)୦୩/୦୩: ଝାରସୁଗୁଡ଼ା ଜିଲା ବେଲପାହାଡ଼ ସହରର ସୁପରିଚିତ ବଡି ବିଲ୍ଡର ତଥା ବେଲପାହାଡ଼ସ୍ଥିତ ଫିଟ୍ ବୁଲ୍ ଜିମ୍‌ର ପ୍ରତିଷ୍ଠାତା ବିକାଶ ମହାନ୍ତି କୋଲକାତାଠାରେ ଅନୁଷ୍ଠିତ ଏମବି କ୍ଲାସିକ ବଡି ବିଲ୍ଡିଂ ପ୍ରତିଯୋଗିତାରେ ତୃତୀୟ ସ୍ଥାନ ଅଧିକାର କରି କାଂସ୍ୟ ପଦକ ଓ ଟ୍ରଫି ଅର୍ଜନ କରି ସାରା ଓଡ଼ିଶାର ପାଇଁ ଗୌରବ ଆଣିଛନ୍ତି । ପଶ୍ଚିମବଙ୍ଗର କୋଲକାତାଠାରେ ଅନୁଷ୍ଠିତ ୧.୫୬ ସିଏମରୁ ୧.୬୦ ବର୍ଗର ଏମବି କ୍ଲାସିକ ପ୍ରତିଯୋଗିତାରେ ମୋଟ ୧୫ ଜଣ ପ୍ରତିଯୋଗୀ ଅଂଶଗ୍ରହଣ କରିଥିବା ବେଳେ ବିକାଶ ଏଥିରେ ଓଡ଼ିଶା ଦଳର ପ୍ରତିନିଧିତ୍ୱ କରି ଏହି ସଫଳତା ଅର୍ଜନ କରିଛନ୍ତି । ତେବେ ଆଗାମୀ ଦିନରେ ଜାତୀୟ ଓ ଆନ୍ତର୍ଜାତୀୟସ୍ତରର ପ୍ରତିଯୋଗିତା ପାଇଁ ବଡି ବିଲ୍ଡର ବିକାଶ ଆହୁରୀ କଠିଣ ପରିଶ୍ରମ କରିବା ସହ ନିଜକୁ ଅଧିକ ପ୍ରସ୍ତୁତ କରିବେ ବୋଲି ପ୍ରତିକ୍ରିୟା ପ୍ରକାଶ କରିଛନ୍ତି ।
ଝାରସୁଗୁଡ଼ା ରୁ ମନୋଜ କୁମାର ଙ୍କ ରିପୋର୍ଟ ରତ୍ନଗିରି ନ୍ୟୁଜ