ଆଗଲପୁର(ରତ୍ନଗିରି ନ୍ୟୁଜ) :- ବହୁପ୍ରତିକ୍ଷୀତ ଆଗଲପୁର ଓ ଭରସୁଜା ଅଙ୍ଗନଦୀ ଉପରେ ପ୍ରାୟ ୧୭ କୋଟି ଟଙ୍କାରେ ନିର୍ମିତ ବ୍ରିଜକୁ ଓଡିଶା ସରକାରଙ୍କ ଅର୍ଥ ଓ ଅବକାରୀ ମନ୍ତ୍ରୀ ନିରଞ୍ଜନ ପୂଜାରୀ ଓ ଶ୍ରମ ଗ୍ରାମ୍ୟଉନ୍ନୟନ ମନ୍ତ୍ରୀ ସୁଶାନ୍ତ ସିଂ ଯୋଗଦେଇ ଉଦ୍ଘାଟନ କରିଥିବା ବେଳେ ସ୍ଥାନୀୟ ବିଧାୟକ ଡ.ମୁକେଶ ମହାଳିଙ୍ଗ ପୂର୍ବତନ ମନ୍ତ୍ରୀ ଯୋଗେନ୍ଦ୍ର ବେହେରା ଉପସ୍ଥିତଥିଲେ | ରେଙ୍ଗାଲି ଠାରେ ଏକ କଲ୍ୟାଣ ମଣ୍ଡପ ଓ ଓଭରହେଡ଼ ପାଣିଟାଙ୍କି,ନଗରାଜ-ଡେଙ୍ଗଜୁରୀ ରାସ୍ତାରେ ବିଜୁ ସେତୁ ପାଇଁ ଭିତ୍ତିପ୍ରସ୍ତର ସ୍ଥାପନ କରିଥିଲେ l ଏହାପରେ ଆଗଲପୁର ବ୍ଲକ ୨ ନଂ ଜୋନ ସ୍ତରୀୟ କର୍ମୀସମ୍ବିଳନୀ ଉପରବାହାଲ ପଞ୍ଚାୟତର ଫଟାମୁଣ୍ଡା ଠାରେ ବିଜେଡି ବ୍ଲକ ସଭାପତି ପଞ୍ଚୁ ପଧାନଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା l ଉକ୍ତ କାର୍ଯ୍ୟକ୍ରମରେ ଉଭୟ ମନ୍ତ୍ରୀ ସୁଶାନ୍ତ ସିଂ ଓ ନିରଞ୍ଜନ ପୂଝାରୀ ଯୋଗଦେଇଥିଲେ l ସଭାରେ ପୂର୍ବତନ ମନ୍ତ୍ରୀ ଯୋଗେନ୍ଦ୍ର ବେହେରା,ଲୋଇସିଂହା ଅଞ୍ଚଳର ଯୁବନେତା ନିହାର ରଞ୍ଜନ ବେହେରା ବ୍ଲକ ମହିଳା ସଭାନେତ୍ରୀ ଦେବକି ସାହୁ,ବଲାଙ୍ଗୀର ଜିଲ୍ଲା ଯୁବ ସଭାପତି ରାଜେନ୍ଦ୍ର ପ୍ରସାଦ ହୋତା,ଓ ଅନେକ ଦଳୀୟ କର୍ମୀ ବ୍ଲକର ସମସ୍ତ ପଞ୍ଚାୟତର ସଭାପତି ଓ ମହିଳାମାନେ ପ୍ରମୁଖ ଉପସ୍ଥିତ ଥିଲେ | ବିଜେପି ଓ କଂଗ୍ରେସ ଦଳର ଅନେକ କାର୍ଯ୍ୟକର୍ତ୍ତା ମୁଖ୍ୟମନ୍ତ୍ରୀଙ୍କ ସୁ ଶାସନରେ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଥିଲେ | ଉକ୍ତ ସଭାରେ ବହୁ ସଂଖ୍ୟାରେ ମହିଳାମାନେ ସାମିଲ ହୋଇଥିବାର ଲକ୍ଷ କରାଯାଇଥିଲା | ଶେଷରେ ବ୍ଲକ ଯୁବ ସଭାପତି ନାରାୟଣ ସାହୁ ଧନ୍ୟବାଦ ଅର୍ପଣ କରିଥିଲେ,
