ଯାଜପୁର ମଙ୍ଗଳପୁର ନୀରୀଗାଁ ଚନ୍ଦନଶ୍ରୀକ୍ଷେତ୍ର ସ୍ଥିତ ଜଗନ୍ନାଥ ସେବାସଂସ୍ଥା ପକ୍ଷରୁ ସାରସ୍ୱତ ସମାବେଶ ଅନୁଷ୍ଠିତ ହୋଇଯାଇଛି l ଏହି ଅବସରରେ ଡ଼କ୍ଟର ଶଶଧର ମେଦିନୀସିଂ ମହାପାତ୍ର ଙ୍କ କବିତା ପୁସ୍ତକ ‘ନଈ ଆରପାରି ଜହ୍ନ ‘କୁ ଅତିଥିମାନେ ଉନ୍ମୋଚନ କରିଥିଲେ l
ସାହିତ୍ୟିକ ଅଧ୍ୟାପକ ଦାମୋଦର ବେହେରା ଙ୍କ ସଭାପତିତ୍ୱ ରେ ଅନୁଷ୍ଠିତ ଉତ୍ସବରେ ମୁଖ୍ୟ ଅତିଥି ଭାବେ ସାହିତ୍ୟ ପ୍ରାଣ, ସଂସ୍କୃତି ଅନୁରାଗୀ ବିଜୟ କୁମାର ସାହୁ ଯୋଗଦାନ କରି ଗ୍ରାମାଞ୍ଚଳ ସାହିତ୍ୟ ମଧ୍ୟ ବିଶ୍ୱ ପାଇଁ ବୃହତ ବାର୍ତା ପ୍ରଦାନ କରିପାରିବ ବୋଲି ମତବ୍ୟକ୍ତ କରିଥିଲେ l ଅନ୍ୟ ମାନଙ୍କ ମଧ୍ୟରେ ଉତ୍କଳ ସାମ୍ବାଦିକ ସଂଘ, ଯାଜପୁର ଜିଲ୍ଲାର ସଭାପତି ତଥା ମା ବିରଜା ଟିଭିର ମୁଖ୍ୟ ସମ୍ପାଦକ ହରିହର ସ୍ୱାଇଁ, ମାନବାଧିକାର କର୍ମୀ ଅଭିଜିତ ଦୀକ୍ଷିତ ପ୍ରମୁଖ ଅତିଥି ଭାବେ ଯୋଗଦେଇଥିଲେ l
କାର୍ଯ୍ୟକ୍ରମରେ ଜୁଣଭଦ୍ରା ମହାବିଦ୍ୟାଳୟର ପ୍ରାକ୍ତନ ଅଧକ୍ଷ ସୁବାଷ ଚନ୍ଦ୍ର ରାଉତ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ.l ଏହି ଉତ୍ସବରେ କବି ଡ଼କ୍ଟର ଆଲୋକ ରାୟ, ଅନିତା ରାୟ, ଓ ଅଧ୍ୟାପକ ଦାମୋଦର ବେହେରାଙ୍କୁ ଉପଢ଼ୋକନ ଓ ମାନପତ୍ର ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଅଛି l
ଜଗନ୍ନାଥ ସେବାସଂସ୍ଥା ର ସଭାପତି ପ୍ରମୋଦ କୁମାର ସ୍ୱାଇଁ, ଆଇନୀଜୀବୀ ସନ୍ତୋଷ କୁମାର ଦାସ, ଅମୀୟ ଧଳ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ l ଶେଷରେ ଅନୁଷ୍ଠାନର ସଭାପତି ଶ୍ରୀ ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ.
