ହିଞ୍ଜିଳିକାଟୁ (ରତ୍ନଗିରି ନ୍ୟୁଜ) ୨୨/୦୫ : ହିଞ୍ଜିଳି ବ୍ଳକ ଅନ୍ତର୍ଗତ ପୁଟିଆପଦର ପଞ୍ଚୟତର ଦିଗାପଡା ଗ୍ରାମ ନିକଟସ୍ଥ ଋଷିକୂଲ୍ୟା ନଦୀ ପଠାରୁ ପୁରୋଷତ୍ତୋମପୁର ଥାନା ପୋଲିସିଙ୍କ ଉପସ୍ଥିତିରେ ଗ୍ରାମବାସୀ ମାନେ ଜୈନିକ ବ୍ଯକ୍ତିଙ୍କମୃତ ଦେହକୁ ଉଦ୍ଧାର କରିଛନ୍ତି ।ମୃତ ବ୍ଯକ୍ତି ଜଣକ ତାରିଣୀ ସାହୁ ବୟସ ପ୍ରାୟ ୫୫ ଭାବନ୍ଧ ଗ୍ରାମର ବୋଲି ଜଣାପଡିଛି । ସୁଚନାପ୍ରକାରେ ପୁଟିଆପଦର ସରପଞ୍ଚ ଏବଂ ଗ୍ରାମବାସୀଙ୍କ ସହଯୋଗରେ ଋଷିକୂଲ୍ୟା ନଦୀ ପଠାରୁ ଏକ ମୃତଦେହକୁ ପୁରଷୋତ୍ତମପୁର ପୋଲିସ ଉପସ୍ଥିତିରେ ଉଦ୍ଧାର କରାଯାଇଛି । ଉପସ୍ଥିତ ଥିବା ଜନତା କହିବା ଅନୁଯାୟୀ ବହୁଦିନରୁ କୌଣସି କାରଣରୁ ନିଜ ପରିବାର ପକ୍ଷରୁ ପୃଥକ ଭାବରେ ରହିଆସୁଥିଲେ । ପରିବାରର ସଦସ୍ୟ ମାନେ ଉକ୍ତ ବ୍ଯକ୍ତିଙ୍କୁ ପୃଥକ ଭାବେ ରଖିଥିବା ଏବଂ କୌଣସି ଗୁରୁତ୍ତ୍ୱପୂର୍ଣ୍ଣ କାରଣରୁ ମସ୍ତିଷ୍କ ବିକୃତି ହୋଇଥିବା ସ୍ଥାନୀୟ ଲୋକଙ୍କ ଠାରୁ ଶୁଣିବାରେ ମିଳିଛି । ପରିବାରର କୌଣସି ସଦସ୍ୟ ଉଦ୍ଧାର କରିବା ସମୟରେ ମଧ୍ୟ ନଥିବା , ସମ୍ପର୍କୀୟ ବ୍ୟକ୍ତିଙ୍କ ଦ୍ବାରା ମୃତ ତାରିଣୀଙ୍କ ଶବକୁ ସମ୍ମାନ ନମିଳିବାରୁ କିଛି ଗ୍ରାମବାସୀ ଅସନ୍ତୁଷ୍ଟ ହୋଇଥିବା ଜଣାପଡିଛି । ଋଷିକୂଲ୍ୟା ନଦୀପଠାରୁ ଉଦ୍ଧାର କରିବା ସହ ପୁରଷୋତ୍ତମପୁର ଥାନାରେ ଏକ ଅପମୃତ୍ଯୁ ମାମଲା ୯/୨୨ ରୁଜ୍ଜୁ ହୋଇଥିବା ତଦନ୍ତ କାରୀ ଥାନା ଅଧିକାରୀ ଏ ଏସ ଆଇ ସିଦ୍ଧେଶ୍ବର ରଣବୀର ସୂଚନା ଦେଇଛନ୍ତି ।
