ବରୀ(ରତ୍ନଗିରି ନ୍ୟୁଜ) :-କଳାର ମାଟି ବରୀ । ଏଇ ମାଟିରେ ଜନ୍ମ ହେବା ମୋ ପାଇଁ ବଡ ସୌଭାଗ୍ୟ । କଳା ନିର୍ଦ୍ଦେଶନା ଦେବା କ୍ଷେତ୍ରରେ ମୋର ବାପାମା ହିଁ ଆଦ୍ୟ ଗୁରୁ ବୋଲି ରତ୍ନଗିରି ଅଞ୍ଚଳିକ ସାଧନ କେନ୍ଦ୍ର ପକ୍ଷରୁ ୨୦୧୯ ପାଇଁ ରାଜ୍ୟ ସ୍ତରୀୟ ଚଳଚିତ୍ର ପୁରସ୍କାରରେ ଶ୍ରେଷ୍ଠ କଳା ନିର୍ଦ୍ଦେଶକ ଭାବେ ପୁରସ୍କାର ପାଇଁ ମନୋନୀତ ହୋଇଥିବା କଳିଙ୍ଗ କେଶରୀ ନାୟକ ପ୍ରକାଶ କରିଛନ୍ତି ।
ରାଉତସାହି ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ରତ୍ନଗିରି ଆଞ୍ଚଳିକ ସାଧନ କେନ୍ଦ୍ର ପକ୍ଷରୁ ଶ୍ରେଷ୍ଠ କଳା ନିର୍ଦ୍ଦେଶକ ପୁରସ୍କାର ପାଇଁ ମନୋନୀତ ହୋଇଥିବା କଳିଙ୍ଗ କେଶରୀ ନାୟକଙ୍କ ପାଇଁ ସମ୍ବର୍ଦ୍ଧନା ସଭା ଅନୁଷ୍ଠିତ ହେଇଯାଇଛି । ଉକ୍ତ ସଭାରେ ସିଦ୍ଧେଶ୍ୱର ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ତ୍ରିଲୋଚନ ସେଠୀ ସଭାପିତ୍ୱ କରିଥିଲେ । କାର୍ଯ୍ୟକ୍ରମରେ ଅତିଥିଭାବେ ସଚିକାନ୍ତ ମିଶ୍ର,ଯୁଗଳ କିଶୋର ନାୟକ, ତାରାକାଂତ ମଲ୍ଲିକ, ସୁରେନ୍ଦ୍ର ସାହୁ, ଅଜୟ କୁମାର ପରିଡା ପ୍ରମୁଖ ଯୋଗ ଦେଇ କଳିଙ୍ଗଙ୍କ ଏଭଳି ସଫଳତା ଏ ଅଞ୍ଚଳକୁ ଗର୍ବିତ କରିଛି ବୋଲି କହିଥିଲେ । ସଂଜୟ କୁମାର ପରିଡା ଅତିଥି ପରିଚୟ ଦେଇଥିବାବେଳେ ସୁଶାନ୍ତ କୁମାର ବେହୁରା ଧନ୍ୟବାଦ ଅର୍ପଣ କରିଥିଲେ । ବିଦାଳୟ ତରଫରୁ ଓ ଆଞ୍ଚଳିକ ସାଧନ କେନ୍ଦ୍ର ପକ୍ଷରୁ ପୃଥକ ପୃଥକ ଭାବେ ପୁଷ୍ପଗୁଚ୍ଛ ଓ ଉତ୍ତରିଅ ଦେଇ ସମ୍ବର୍ଦ୍ଧିତ କରାଯାଇଥିଲା । ଉକ୍ତ କାର୍ଯ୍ୟକ୍ରମକୁ ସଫଳ କରାଇବା କ୍ଷେତ୍ରରେ ବିଦ୍ୟାଳୟର ସମସ୍ତ ଶିକ୍ଷକ/ଶିକ୍ଷୟିତ୍ରି ଓ ଛାତ୍ରଛାତ୍ରୀମାନେ ସହଯୋଗ କରିଥିଲେ ।
