ବରୀ(ରତ୍ନଗିରି ନ୍ୟୁଜ) :-ବରୀ ନିର୍ବାଚନ ମଣ୍ଡଳୀ ଅନ୍ତର୍ଗତ ଏରବାଙ୍କ ପଞ୍ଚାୟତ ଇନ୍ଦାରୋଇ ଗ୍ରାମରେ ପ୍ରତିଷ୍ଠା ହୋଇଥିବା ବ୍ରହ୍ମାକୁମାରିଜ ଈଶ୍ୱରୀୟ ବିଶ୍ୱବିଦ୍ୟାଳୟ ଗୀତା ପାଠଶାଳା କେନ୍ଦ୍ରର ୧୩ତମପ୍ରତିଷ୍ଠା ଦିବସ ବାର୍ଷିକୀ ଜନ୍ମୋତ୍ସଵ ଆଜି ମହାସମାରୋହରେ ପାଳିତ ହୋଇଯାଇଛି। ପ୍ରାତଃରୁ ଯୋଗ , ତପସ୍ୟା ପରେ ପରେ ମୁରଲୀ ଅଧ୍ୟୟନ ସହ ଅନୁଷ୍ଠାନ ର ଅନୁଷ୍ଠାନ ଝଣ୍ଡା ଉତ୍ତୋଳନ କରାଯାଇଥିଲା। ଏହି କାର୍ଯ୍ୟକ୍ରମକୁ ଅଭିମନ୍ୟୁ ସାମନ୍ତସିଂହାର ମହାବିଦ୍ୟାଳୟର ଅଧ୍ୟାପକ ଶ୍ରୀ ସୁଧାଂଶୁ ଶେଖର ଦାସ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ ।
ଅନ୍ୱେଷଣ ଥିଏଟର ଗ୍ରୁପର ସଭାପତି ବୃନ୍ଦାବନ ମିଶ୍ର , ସମ୍ପାଦକ ଅଭିମନ୍ୟୁ ମିଶ୍ର , ଲୋକ ସମ୍ପର୍କ ଅଧିକାରୀ ସାମ୍ବାଦିକ ସୁରେଶ କର ଉପସ୍ଥିତ ରହି ଅନୁଷ୍ଠାନ ସମ୍ପର୍କରେ ଆଲୋକପାତ କରିଥିଲେ। ପରେ ପରେ ବ୍ରହ୍ମାକୁମାରିଜ ପ୍ରତିଭା ଦିଦି ଓ ସାଥି ଙ୍କ ଦ୍ଵାରା ଅତିଥି ମାନଙ୍କୁ ପୁଷ୍ପଗୁଛ ପ୍ରଦାନ କରାଯାଇ , ଜନ୍ମଦିବସ ପାଇଁ କ୍ୟାଣ୍ଡେଲ ପ୍ରଜ୍ବଳନ ସହ କେକ କଟାଯାଇଥିଲା ।
ଶିବବାବା ଙ୍କ ଉଦ୍ବେଶରେ ଭଜନ, ଜଣାଣ ସହ ସାଂସ୍କୃତିକ କାର୍ଯ୍ୟକ୍ରମରେ ବହୁ ପ୍ରତିଯୋଗୀ ଭାଗ ନେଇଥିଲେ । ଏହି ସମୟରେ ସମଗ୍ର ଅଞ୍ଚଳରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା ।
ସୂଚନା ଅନୁଯାୟୀ ଏହି କାର୍ଯ୍ୟକ୍ରମ କୁ ଅନୁଷ୍ଠାନର ବରିଷ୍ଠ ବ୍ରହ୍ମାକୁମାର ଭ୍ରାତା ପ୍ରଫୁଲ ନାୟକ , ଦିଲିପ ଭାଇ , ଅଜିତ ଭାଇ ଙ୍କ ସହ ଭଉଣୀ ମଞ୍ଜୁଳା ଦେବୀ ସଞ୍ଚାଳନ କରିଥିଲେ ।
