ବାଲେଶ୍ୱର /ବାଲିଆପାଳ (ରତ୍ନଗିରି ନ୍ୟୁଜ) : ବିଦୁ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା l ବସ୍ ପଛରୁ ଧକା ଦେଲା କୋଇଲା ବୋଝେଇ ଟ୍ରକ l ଘଟଣାସ୍ଥଳରେ 6 ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ବାଲେଶ୍ବର ଜିଲ୍ଲା ୧୬ ନଂ ଜାତୀୟ ରାଜପଥ ବିଦୁ ବସଷ୍ଟାଣ୍ଡ ରେ ଲୋକ ଓହ୍ଲାଉଥିବା ବେଳେ ବସ୍ ପଛରୁ ଧକା ଦେଲା ଟ୍ରକ । ଘଟଣାସ୍ଥଳରେ ୫ ମୃତ୍ୟୁ ଏବଂ ସୋର ମେଡ଼ିକାଲରେ ଜଣଙ୍କର ମୃତ୍ୟୁ ହୋଇଯାଇଛି । ବାଲେଶ୍ବର ରୁ ଭୁବନେଶ୍ବର ଅଭିମୁଖେ ଯାଉଥିବା ଶାନ୍ତିଲତା ନାମକ ଏକ ଘରୋଇ ବସ୍ ବିଦୁ ବସ ଷ୍ଟାଣ୍ଡରେ ଠିଆ ହୋଇଥିବା ବେଳେ ପଛରୁ ଆସୁଥିବା ଏକ କୋଇଲା ବୋଝେଇ ଟ୍ରକ ଧକା ଦେଇଥିଲା ଫଳରେ ବସ୍ ସହ ଟ୍ରକ ଟି ଭାରସାମ୍ୟ ହରାଇ ୧୦ ଫୁଟ୍ ତଳକୁ ଓଲଟି ପଡିଥିଲା । ବସ୍ ରେ ଥିବା ଯାତ୍ରୀଙ୍କ ମଧ୍ୟରୁ ୫ ଜଣଙ୍କ ଘଟଣାସ୍ଥଳରେ ମୃତ୍ୟୁ ହୋଇଯାଇଥିବା ବେଳେ ସୋର ଡାକ୍ତରଖାନାରେ ଜଣଙ୍କର ମୃତ୍ୟୁ ହୋଇଯାଇଛି. ସେମାନଙ୍କ ମଧ୍ୟରେ ଏକ ୩ ମାସର ଶିଶୁ ଥିବା ସୁଚନା ମିଳିଛି । ୨୦ରୁ ଉର୍ଦ୍ଧ୍ବ ଗୁରୁତର ଆହାତ ହୋଇଥିବା ବେଳେ ଆହାତ ମାନଙ୍କୁ ସୋର ଡାକ୍ତର ଖାନା ରେ ଭର୍ତ୍ତି କରାଯାଇଛି । ଏହି ଉଦ୍ଧାର କାର୍ଯ୍ୟରେ ସୋର ପୋଲିସ୍, ସୋର ଦମକଳ ବାହିନୀ, ଜାତୀୟ ରାଜପଥ କର୍ମଚାରୀ ନିୟୋଜିତ ହୋଇଛନ୍ତି । ଖବରପାଇ ବାଲେଶ୍ୱର ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ, ସୋର ବିଧାୟକ ପର୍ଶୁରାମ ଧଡ଼ା, ସୋର ତହସିଲଦାର ଡ଼. ଅଶୋକ କୁମାର ଦାସ ସୋର ମେଡ଼ିକାଲରେ ପହଞ୍ଚି ଆହତ ମାନଙ୍କ ସ୍ୱାସ୍ଥ୍ୟ ଅବସ୍ଥା ପଚାରି ବୋଝିଥିଲେ l
ରିପୋର୍ଟ : ବାଲେଶ୍ୱର ତ୍ରିଲୋଚନ ଉପାଧ୍ୟାୟ, ବାଲେଶ୍ୱର ଓ ସୁବାସ ଦାସ,ବାଲିପାଳ
