ଛତ୍ରପୁର ଥାନାରେ ନୂତନ ଥାନାଧିକାରୀ ଭାବେ ଯୋଗଦେଲେ ସତ୍ୟରଞ୍ଜନ ପ୍ରଧାନ

ଛତ୍ରପୁର (ରତ୍ନଗିରି ନ୍ୟୁଜ) :- ଆଜି ଛତ୍ରପୁର ଥାନାରେ ସତ୍ୟରଞ୍ଜନ ପ୍ରଧାନ ନୂତନ ଥାନାଧିକାରୀ ଭାବେ ଯୋଗଦେଇଛନ୍ତି l ସେ ଜଣେ ମେଳାପୀ ଏବଂ କାଯ୍ୟଦକ୍ଷତା ସମ୍ପନ୍ନ ବ୍ୟକ୍ତିତ୍ୱ ଅଟନ୍ତି l ଶ୍ରୀ ପ୍ରଧାନଙ୍କ , ଛତ୍ରପୁର ଥାନାରେ ପ୍ରଥମ ଦିନ ଯୋଗଦାନ ଅବସରରେ ଛତ୍ରପୁର ପ୍ରେସ୍ କ୍ଲବ୍ ତରଫରୁ ସଭାପତି ପ୍ରଶାନ୍ତ କୁମାର ମହାରଣାଙ୍କ ନେତୃତ୍ୱରେ ପ୍ରେସ୍ କ୍ଲବ୍ ର ସଦସ୍ୟମାନେ ଥାନାଧିକାରୀ ଶ୍ରୀ ସତ୍ୟରଞ୍ଜନ ପ୍ରଧାନଙ୍କୁ ପୁଷ୍ପଗୋଛା ଦେଇ ସ୍ୱାଗତ କରିଛନ୍ତି l ଶ୍ରୀ ପ୍ରଧାନ ୨୦୦୫ ମସିହାରେ ନିଜର ଚାକିରୀ ଜୀବନ ଆରମ୍ଭ କରିଥିଲେ l ପୂର୍ବରୁ ବହୁ ଥାନା ଯଥା ଭଞ୍ଜନଗର ,କବିସୂର୍ଯ୍ୟନଗର ,ବେଲଗୁଣ୍ଠା,ନୂଆପଡା, ଗାଙ୍ଗପୁର ,ଖଲ୍ଲିକୋଟ ପ୍ରଭୁତି ଥାନାରେ ନିଜର କାର୍ଯ୍ୟସମ୍ପନ୍ନ କରି ଆଜି ଗଞ୍ଜାମ ଜିଲ୍ଲାର ସଦରମହକୁମା ଛତ୍ରପୁର ଥାନାରେ ଦାୟିତ୍ୱ ଭାର ସମ୍ଭାଳିଛନ୍ତି l ଆଜି ଦାୟିତ୍ୱ ନେବାପରେ ପରେ ଶ୍ରୀ ପ୍ରଧାନ କହିଛନ୍ତି ଛତ୍ରପୁର ଥାନା ଅଞ୍ଚଳରେ ଆଇନ ଶୁଙ୍ଖଳା ପରିସ୍ଥିତି ଉପରେ ଗୁରୁତ୍ୱ ଦେବା ସହ ଅସାମାଜିକ ବ୍ୟକ୍ତିଙ୍କ ଉପରେ କଡା ନଜର ରଖାଯିବ l ତତ୍ ସହିତ ଟ୍ରାଫିକ୍ ସମସ୍ୟା ଓ ପୋଲିସ ପେଟ୍ରୋଲିଂକୁ କଡାକଡି ପାଳନ କରାଯିବ l ସ୍ୱାଗତ ସମ୍ବର୍ଦ୍ଧନା ଉତ୍ସବରେ ଛତ୍ରପୁର ପ୍ରେସ୍ କ୍ଲବ୍ ସାଧାରଣ ସମ୍ପାଦକ ସନ୍ତୋଷ କୁମାର ପାଢୀ ,କୋଷାଧକ୍ଷ ସରୋଜ କୁମାର ସାମଲ ,ଉପ-ସଭାପତି ସୁଧୀର କୁମାର ନାହାକ ଓ ଦିଲ୍ଲୀପ ସାମଲ ,ସହ-ସମ୍ପାଦକ କେ. ସତ୍ୟନାରାୟଣ ରେଡ୍ଡୀ ଓ ଇଜୁ ଅମିନ ଖାଁନ,ଉପଦେଷ୍ଟା ଶ୍ରୀକାନ୍ତ ମହାନ୍ତି ,ରବୀନ୍ଦ୍ରନାଥ ପଣ୍ଡା ଓ ବସନ୍ତ ମହାରଣା l କ୍ଷୀରୋଦ ଚନ୍ଦ୍ର ସାହୁ ,ସନ୍ତୋଷ ମିଶ୍ର ,ଅଜିତ୍ କୁମାର ସ୍ୱାଇଁ ,ରବୀନ୍ଦ୍ର ନାହାକ ,ଦେବବ୍ରତ ପଣ୍ଡା ,ସୂର୍ଯ୍ୟ ପ୍ରକାଶ ଧଳ ,ସନ୍ତୋଷ କୁମାର ସାହୁ ,ବିସ୍ମୟ ପ୍ରଧାନ ,ଭଗବାନ ରାଉଳ ,ଗୌର ମହାପାତ୍ର ,ସନ୍ତୋଷ ସାହୁ ,ପ୍ରଦୀପ କୁମାର ସାହୁ ,ଅଶୋକ କୁମାର ବେହେରା ,କୃପାସିନ୍ଧୁ ପଣ୍ଡା ,କିଶୋର ମହାନ୍ତି ଓ କେ.ରମେଶ ପ୍ରମୁଖ ଉପସ୍ଥିତ ଥିଲେ l