ପୁରୀ (ରତ୍ନଗିରି ନ୍ୟୁଜ) :– ଆଜି ରାସ୍ତା ନିର୍ମାଣ ଦାବି ନେଇ ପୁରୀ ଜିଲ୍ଲା ନିମାପଡ଼ା ବ୍ଲକ୍ ଛନିଯଙ୍ଗ ପଞ୍ଚାୟତ ର ଚକୋରଡା ଛକ ଠାରେ ପୁରୀ ଚାରି ଛକ ମୁଖ୍ୟ ରାସ୍ତାକୁ ଚାରି ମୌଜା ର ଗ୍ରାମବାସୀ ମାନେ ଅବରୋଧ କରିଥିଲେ ।ପ୍ରକାଶ ଥାଉକି ଦୀର୍ଘ ଦିନ ବିତି ଯାଇଥିଲେ ମଧ୍ୟ ଉକ୍ତ ଗ୍ରାମକୁ ରାସ୍ତା ନାହିଁ ।ବାରମ୍ବାର ଅଭିଯୋଗ ହେଉଥିଲେ ମଧ୍ୟ କେହି ଶୁଣୁ ନାହାନ୍ତି ।ଫଳରେ ରାସ୍ତା ରୋକ କରିବା ଲାଗି ନିଷ୍ପତି ନେଇଥିଲେ ଗ୍ରାମବାସୀ ।ସକାଳ 10ଟା ରୁ ଚକୋରଡ଼ା ବସନ୍ତ ପୁର ବେଗୁନିଆ ଓ କେଉଟ ସାଲଦା ର ଶତାଧିକ ମହିଳା ଓ ପୁରୁଷ ରାସ୍ତାରେ ବସିରହିଥିଲେ ।ଖବର ପାଇ ଚାରି ଛକ ଫାଣ୍ଡି ଅଧିକାରୀ ଶିଶିର ମହାନ୍ତି ନିମାପଡ଼ା ବିଡ଼ିଓ ବସନ୍ତ କୁମାର ମଲ୍ଲିକ ସହକାରୀ ଯନ୍ତ୍ରୀ ଓ ଗ୍ରାମ୍ୟ ଉନ୍ନୟନ ବିଭାଗ ସହକାରୀ ଯନ୍ତ୍ରୀ ଘଟଣା ସ୍ଥଳରେ ପହଞ୍ଚି 3ମାସ ମଧ୍ୟରେ କାର୍ଯ୍ୟ ହେବ ବୋଲି ପ୍ରତିଶ୍ରୁତି ଦେବାପରେ ଅବରୋଧ କରି ମାନେ ରାସ୍ତାରୁ ଉଠିଥିଲେ ।ଯଦି କାର୍ଯ୍ୟ କରା ନ ଯାଏ ତେବେ ଚାରି ମୌଜା ବାସି ଆଗାମୀ ତ୍ରିସ୍ତରୀୟ ନିର୍ବାଚନ ରେ ଭୋଟ ବର୍ଜନ କରିବେ ବୋଲି ଗ୍ରାମର ଆଲୋକ ନାୟକ ଅଜିତ୍ କୁମାର ନାୟକ ଅଭୟ ନାୟକ ପ୍ରମୁଖ ଜଣାଇଛନ୍ତି ।ଏହି ରାସ୍ତା ଅବରୋଧ ରେ ବିଜେପି ନେତା ଭକ୍ତ ଚରଣ ବିଶ୍ଵାଳ ଅଜୟ ପରିଡା 21ନମ୍ୱର୍ ଜିଲ୍ଲା ପରିଷଦ ସଭ୍ୟ ପୂର୍ଣ୍ଣ ଚନ୍ଦ୍ର ଓଝା ପୂର୍ବତନ ସରପଂଚ ବଟକୃଷ୍ଣ ସ୍ବାଇଁ ବିଜେପି ନେତା କୃଷ୍ଣ ଚନ୍ଦ୍ର ସ୍ୱାଇଁ ସମେତ 200ରୁ ଉର୍ଦ୍ଧ ଗ୍ରାମର ମହିଳା ଓ ପୁରୁଷ ଯୋଗ ଦେଇଥିଲେ ।
