ଭୁବନେଶ୍ବର(ରତ୍ନଗିରି ନ୍ୟୁଜ), ୧୯/୧୨: ସୁନାମଧନ୍ଯ କବି ତଥା ଲେଖକ ରାଜକିଶୋର ଦାଶ (ଦେଶରଜ) ଙ୍କର ଦୁଇ ଗୋଟି ପୁସ୍ତକ ‘ଅଦ୍ୱେତ ଦୃଷ୍ଟି ତତ୍ତ୍ଵବୋଧ’ ଓ ‘ଝାପସା ସତ ଝାପସା ମିଛ’ ଆଜି ଭୁବନେଶ୍ଵର ସ୍ଥିତ ବୁଦ୍ଧମନ୍ଦିର ଠାରେ ଲୋକାର୍ପିତ ହୋଇଯାଇଛି ।ଏହି କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବେ ବରିଷ୍ଠ ଦାର୍ଶନିକ ଡଃ ବିଜୟାନନ୍ଦ କର, ମୁଖ୍ୟ ବକ୍ତା ଭାବେ ବରିଷ୍ଠ ସାହିତ୍ୟିକ ଓ ଭାଷାବିତ୍ ପଣ୍ଡିତ ଅନ୍ତର୍ଯ୍ୟାମୀ ମିଶ୍ର, ବରିଷ୍ଠ କବି ଓ ଲେଖକ ନୃସିଂହ ଷଡ଼ଙ୍ଗୀ ଯୋଗ ଦେଇଥିଲେ ।
ସମ୍ମାନନୀୟ ଅତିଥି ଭାବେ ନ୍ୟୁଜ୍ ସେଭେନ ର ମୁଖ୍ୟ ସମ୍ପାଦକ ଶ୍ରୀ ସୁନୀଲ କୁମାର ଦାସ ଯୋଗଦେଇଥିଲେ। କଟକ ଶିବଶକ୍ତି ସିଦ୍ଧ ଯୋଗାଶ୍ରମର ସ୍ୱାମୀ ଆଦ୍ୟନନ୍ଦ ସରସ୍ଵତୀ, ବରିଷ୍ଠ ସାମ୍ବାଦିକ ତଥା ଲେଖକ ଶ୍ରୀ ଶ୍ରୀରାମ ଦାଶଙ୍କ ସଭାପତିତ୍ବରେ ଏହି ଲୋକାର୍ପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଦୁଇଟିଯାକ ପୁସ୍ତକକୁ ପାଠକ ମାନଙ୍କ ପାଖରେ ବେଶ୍ ଆଦୃତ ହେବ ବୋଲି ଆଶା ରଖିଛନ୍ତି ଲେଖକ ଶ୍ରୀ ରାଜକିଶୋର ଦାଶ ।
