ବରୀ୧୧/୧୦(ରତ୍ନଗିରି) :-ବରୀ ବିଜେଡି ପକ୍ଷରୁ ଜନସମ୍ପର୍କ ପଦଯାତ୍ରା ବୁଧବାର ଦିନ ଅନୁଷ୍ଠିତ ହୋଇଯାଇଛି । ବିଭିନ୍ନ ପଞ୍ଚାୟତରୁ ଆସିଥିବା ଦଳୀୟ କର୍ମକର୍ତ୍ତା, ସରପଞ୍ଚ, ସମିତିସଭ୍ୟମାନଙ୍କ ସହିତ ବରୀ ବିଧାୟିକା ସୁନନ୍ଦା ଦାସ ସନ୍ଥନ ଠାରୁ ପଦଯାତ୍ରାରେ ବାହାରି ବରୀ ମାଉଣ୍ଟ ପର୍ଯ୍ୟନ୍ତ ଆସିଥିଲେ । ପରେ ମାଉଣ୍ଟସ୍ଥିତ ମା ଜାଗୁଳାଇଙ୍କ ପୀଠରେ ବରୀ ବିଜେଡି ସଭାପତି କେଦାର ସାମଲଙ୍କ ସଭାପତିତ୍ୱରେ ଆୟୋଜିତ ସଭାରେ ବିଧାୟିକା ଶ୍ରୀମତୀ ଦାସ ରାଜ୍ୟ ସରକାରଙ୍କ ବିଭିନ୍ନ ବିକାଶ ମୂଳକ କାର୍ଯ୍ୟକ୍ରମ ସମ୍ପର୍କରେ ଉଦ୍ବୋଧନ ଦେବା ସହ ମୁଖ୍ୟମନ୍ତ୍ରୀଙ୍କୁ ଅଧିକରୁ ଅଧିକ ଭଲ ପାଇବା ଦେବାକୁ ଆହ୍ୱାନ ଦେଇଥିଲେ । ଯାଜପୁର ସାସଂଦ ଶର୍ମିଷ୍ଠା ସେଠୀ ପଦଯାତ୍ରା ଅବସରରେ ମୁଖ୍ୟମନ୍ତ୍ରୀଙ୍କ ପ୍ରତିଟି ଯୋଜନାର ସଫଳ ରୂପାୟନ କିପରି ହୋଇପାରିବ ଓ ଏହାର ସୁବିଧା ସାଧାରଣ ନାଗରିକଟିଏ ପାଇ ପାରିବ ସେ ନେଇ ସେ କାର୍ଯ୍ୟ କରୁଛନ୍ତି ଓ କରୁଥିବେ ବୋଲି ଗଣମାଧ୍ୟମ ପ୍ରତିନିଧିମାନଙ୍କୁ ନିଜ ବକ୍ତବ୍ୟରେ କହିଥିଲେ ।
ଅନ୍ୟମାନଙ୍କ ମଧ୍ୟରେ ବରୀ ପଞ୍ଚାୟତ ସମିତି ଉପାଧ୍ୟକ୍ଷା ଅର୍ଚ୍ଚନା ମଲ୍ଲିକ, ବରୀ ବିଜେଡି ସଭାନେତ୍ରୀ ବୈଜୟନ୍ତି ମିଶ୍ର, ବାଲିଆ ସରପଞ୍ଚ ରେବତୀ ଜେନା, ଚନ୍ଦନପୁର ସରପଞ୍ଚ ଚପଳା ମଲ୍ଲ, ସମିତି ସଭ୍ୟା ମାନସୀ ଦାସ, ବରୀ ସମିତି ସଭ୍ୟ ସଞ୍ଜିବ କୁମାର ଜେନା, ରମ୍ପା ସରପଞ୍ଚ ମାନସ ଜେନା, ସାଂସଦଙ୍କ ବରୀ ପ୍ରତିନିଧି ପ୍ରଦିପ କୁମାର ଘଡାଇ, ବରୀ ପୂର୍ବତନ ସରପଞ୍ଚ ରମାକାନ୍ତ ମଲିକ, ହରିହର ପଣ୍ଡା, ରଂଜନ କୁମାର ପଣ୍ଡା ପ୍ରମୁଖ ପଦଯାତ୍ରାରେ ସାମିଲ ହେବା ସହ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ସ୍ଲୋଗନ ଦେଇଥିଲେ ।
