ମାହାଙ୍ଗା(ରତ୍ନଗିରି ନ୍ୟୁଜ) : ମାହାଙ୍ଗା ବ୍ଲକ ଅନ୍ତର୍ଗତ ମୂଳବସନ୍ତ ପଞ୍ଚାୟତସ୍ଥିତ ଧର୍ମଦାସପୁର ଗ୍ରାମର ତଥା କୁଆଁପାଳ ଉପଡ଼ାକଘର କାର୍ଯ୍ୟାଳୟର କାର୍ଯ୍ୟରତ କର୍ମଚାରୀ ଭାରତ ଚନ୍ଦ୍ର ଜେନା (୫୮) ବର୍ଷ ରେ ତାଙ୍କର ହୃଦଘାତ ରେ ପରଲୋକ ଘଟିଛି ,ସେ କୁଆଁପାଳ ଉପଡାକଘରେ କାର୍ଯ୍ୟ କରୁଥିବାବେଳେ ହଠାତ୍ ଛାତିରେ ଯନ୍ତ୍ରଣା ଅନୁଭବ କରିଥିଲେ ଏ ନେଇ କାର୍ଯ୍ୟାଳୟରୁ ଖବର ପାଇ ପରିବାର ଲୋକେ ପହଞ୍ଚି ତାଙ୍କୁ ଚିକିତ୍ସା ନିମନ୍ତେ କଟକ ବଡ଼ ଡ଼ାକ୍ତରଖାନାକୁ ନେଇଥିଲେ ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ପରଲୋକ ଘଟିଥିଲା । ସ୍ବର୍ଗତ ଜେନା ଜଣେ ପରୋପକାରୀ,ମିଷ୍ଟଭାଷୀ ଓ କର୍ତ୍ତବ୍ୟନିଷ୍ଠ ବ୍ୟକ୍ତି ଭାବେ ସ୍ଥାନୀୟ ଅଂଚଳରେ ବେଶ ପରଚିତ ଥିଲେ ତାଙ୍କ ବିୟୋଗରେ ପଞ୍ଚାୟତିରାଜ ମନ୍ତ୍ରୀ ପ୍ରତାପ ଜେନା ଶୋକବ୍ୟକ୍ତ କରିଛନ୍ତି ଖବର ପାଇ ସରପଞ୍ଚଙ୍କ ପ୍ରତିନିଧି ପ୍ରଶାନ୍ତ କୁମାର କର, ପୂର୍ବତନ ସରପଞ୍ଚ ଭ୍ରମରବର ରାଉତ ରାୟ, ପୂର୍ବତନ ସରପଞ୍ଚ ପ୍ରତିନିଧି ରାକେଶ ସାହୁ,ଉମେଶ ଚନ୍ଦ୍ର ସାହୁ, ପଞ୍ଚାନନ ପଣ୍ଡା, ବୀରକିଶୋର ଜେନା ଓ ସାମ୍ବାଦିକ ଅଶୋକ ଦାସଙ୍କ ସମେତ କୁଆଁପାଳ ଉପଡ଼ାକଘର କର୍ମଚାରୀ ଶେଷ ଦର୍ଶନ କରିବା ସହ ପରିବାର ପ୍ରତି ସମବେଦନା ଜଣାଇଥିଲେ କୁଆଁପାଳ ଉପଡ଼ାକଘର ପକ୍ଷରୁ ପୋଷ୍ଟ ମାଷ୍ଟର ହିମାଂଶୁ ଭୂଷଣ କର ମେଲ୍ ଓଭର୍ ସିଅର ଅଭିରାମ ପତି ପ୍ରମୁଖ ତାଙ୍କ ଘରେ ପହଞ୍ଚି ଅନ୍ତ୍ୟେଷ୍ଟି କାର୍ଯ୍ୟ ନିମନ୍ତେ ୧୦ହଜାର ଟଙ୍କାସହାୟତା ପ୍ରଦାନ କରିଥିବା ଜଣାଯାଇଛି ଶୋକାକୁଳ ପରିବେଶରେ ଗ୍ରାମ୍ୟ ପରିକ୍ରମା ପରେ ଗ୍ରାମ ଶ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି ପୁଅ ଦିଲ୍ଲୀପ ମୁଖାଗ୍ନି ଦେଇଥିଲେ
