ସାନଖେମୁଣ୍ଡି(ରତ୍ନଗିରି ନ୍ୟୁଜ)୨୧/୧୦ : ଗଞ୍ଜାମ ଜିଲ୍ଲା ପାଟପୁର ଥାନା ପୋଲିସ ପକ୍ଷରୁ ବୁଧବାର ବିଳମ୍ବିତ ସନ୍ଧ୍ୟାରେ ପୋଡାମାରୀ ଓ ଡେଙ୍ଗାଓସ୍ତା ଗ୍ରାମରେ ରହିଥିବା ବେଆଇନ ବାଣ ଦୋକାନ ଉପରେ ଅତର୍କିତ ଚଢ଼ାଉ କରାଯାଇଥିବା ଜଣାପଡ଼ିଛି । ଘଟଣାସ୍ଥଳରୁ ପୋଲିସ ୧୦ ଲକ୍ଷରୁ ଉର୍ଦ୍ଧ୍ବ ଟଙ୍କାର ବାଣ ଜବତ କରିଥିବା ବେଳେ ୪ ଜଣକୁ ଗିରଫ କରିଥିବା ପ୍ରାଥମିକ ତଦନ୍ତରୁ ସୂଚନା ମିଳିଛି । ସୂଚନାରୁ ଆସନ୍ତା ୨୪ ତାରିଖରେ ଦିପାବଳୀ ରହିଥିବା ବେଳେ ଅଭିଯୁକ୍ତ ମାନେ ବେଆଇନ ଭାବେ ବାଣକୁ ଲୁଚାଛପା ସହ ଚଢାଦରରେ ବିକ୍ରୀ କରୁଥିବା ପାଟପୁର ପୋଲିସ ବିଶେଷ ସୂତ୍ରରୁ ଖବରପାଇ ସ୍ଥାନୀୟ ତହସିଲଦାର ଶ୍ରୀନିବାସ ବେହେରାଙ୍କ ଉପସ୍ଥିତିରେ ପାଟପୁର ଥାନା ଅଧିକାରୀ ସବ୍ୟସାଚୀ ମଲ୍ଲଙ୍କ ନେତୃତ୍ୱରେ ଏସ. ଆଇ ମିଲନ ପ୍ରଧାନ, ଏସ.ଆଇ ରମାକାନ୍ତ ଶବର, ପରମେଶ୍ବର ମଲ୍ଲିକଙ୍କ ସମେତ ପ୍ରମୁଖ ପୋଲିସ କର୍ମଚାରୀ ମାନେ ଉକ୍ତ ଗ୍ରାମର ବିଭିନ୍ନ ଦୋକାନ ଗୃହରେ ଚଢାଉ କରିବା ସହ ବାଣକୁ ଜବତ କରିଥିବା ଦେଖିବାକୁ ମିଳିଛି ।
