ଭୁବନେଶ୍ୱର(ରତ୍ନଗିରି ନ୍ୟୁଜ) : ରାଜ୍ୟର ଅଗ୍ରଣୀ ସାମାଜିକ ଅନୁଷ୍ଠାନ ସମର୍ଥ ଓଡ଼ିଶା ତରଫରୁ ରାଜ୍ୟ ପର୍ଯ୍ୟଟନ ଉନ୍ନୟନ ନିଗମ ( ଓଟିଡିସି ) ଅଧ୍ୟକ୍ଷା ଶ୍ରୀମତୀ ଶ୍ରୀମୟୀ ମିଶ୍ର ଙ୍କୁ ଓଡିଶା ର ପ୍ରେରଣାଦାୟୀ ବ୍ୟକ୍ତିତ୍ୱ – ୨୦୨୧ ସମ୍ମାନ ରେ ସମ୍ମାନିତ କରାଯାଇଛି l ବିଗତ ଦିନ ମାନଙ୍କରେ ନିଜର ଦକ୍ଷତା ଓ ନିଷ୍ଠା ବଳରେ ରାଜ୍ୟ ପର୍ଯ୍ୟଟନ କୁ ନୂଆ ଦିଶା ଦେଇଥିବା ଶ୍ରୀମତୀ ମିଶ୍ର ଙ୍କୁ ସମର୍ଥ ଓଡିଶା ପକ୍ଷରୁ ଏହି ସମ୍ମାନ ପ୍ରଦାନ କରାଯାଇଛି l ବଲାଙ୍ଗୀର ସରକାରୀ ବାଳିକା ଉଚ୍ଚ ବିଦ୍ୟାଳୟ ବିଦ୍ୟାଳୟ ରୁ ଶିକ୍ଷାଲାଭ କରିଥିବା ଶ୍ରୀମତୀ ମିଶ୍ର ପରବର୍ତ୍ତୀ ସମୟରେ ଶୈଳବାଳା ମହିଳା ମହାବିଦ୍ୟାଳୟ ରେ ପଢିବା ସମୟ ଠାରୁ ହିଁ ସମାଜସେବା ଓ ରାଜନୀତି କ୍ଷେତ୍ରରେ ବେଶ୍ ସକ୍ରିୟ ଅଛନ୍ତି l ଓଟିଡିସି ର ଅଧ୍ଯକ୍ଷା ପଦ ସମ୍ଭାଳିବା ଦିନଠାରୁ ହିଁ ସେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କ ଆହ୍ଵାନ ରେ ପର୍ଯ୍ୟଟନ ର ବିକାଶ ପାଇଁ ବିଭିନ୍ନ ପଦକ୍ଷେପମାନ ନେଇଛନ୍ତି, ତାଙ୍କଠାରୁ ଯୁବପିଢ଼ି ଯେଭଳି ପ୍ରେରଣା ପାଇବେ, ସେଥିପାଇଁ ବିଭିନ୍ନ କ୍ଷେତ୍ର ରେ ଉଲ୍ଲେଖନୀୟ ଅବଦାନ ଥିବା ବ୍ୟକ୍ତିତ୍ୱ ଙ୍କୁ ଆମେ ପୁରସ୍କାର ଦେଉଛୁ ବୋଲି ସମର୍ଥ ଓଡିଶା ର ପ୍ରତିଷ୍ଠାତା ଡ଼. ଅଭୟ ରଞ୍ଜନ ପଟ୍ଟନାୟକ କହିଛନ୍ତି l
