ବାଲିଆପାଳ(ରତ୍ନଗିରି ନ୍ୟୁଜ) : ପୋଖରୀରେ ପଡି ବୃଦ୍ଧାଙ୍କ ମୃତ୍ୟୁ। ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲାର ବାଲିଆପାଳ ଥାନା ଅଧୀନ ପ୍ରତାପପୁର ଗ୍ରାମରେ। ସୂଚନାରୁ ପ୍ରକାଶ ପଞ୍ଚୁରୁଖି ଗ୍ରାମର ପୂର୍ଣଚନ୍ଦ୍ର ମଣ୍ଡଳଙ୍କ ସ୍ତ୍ରୀ ପାର୍ବତୀ ମଣ୍ଡଳ ପ୍ରତାପପୁର ଗ୍ରାମର ନିଜ ଝିଅ ଙ୍କ ଘରେ ଆଠମାସ ତଳୁ ଆସି ରହି ଆସୁଥିବା ବେଳେ ଗତକାଲି ବିଳମ୍ବିତ ରାତିରୁ କେଉଁଆଡେ ନିଖୋଜ ଥିବା ବେଳେ ଘରଲୋକ ତଥା ଗ୍ରାମବାସୀ କୌଣସି ଖୋଜଖବର ପାଇନଥିବା ବେଳେ ଆଜି ସକାଳୁ ଜ୍ବାଇଁଘର ଠାରୁ ଦୁଇଶହ ମିଟର ଦୂରରେ ଥିବା ଏକ ପୋଖରୀରେ ଭାସୁଥିବାର ଗ୍ରାମବାସୀ ଦେଖିବାକୁ ପାଇଥିଲେ। ତେବେ ତାଙ୍କୁ ସ୍ଥାନୀୟ ପ୍ରତାପପୁର ଡାକ୍ତରଖାନା କୁ ନିଆଯାଇଥିଲା ବେଳେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ। ତେବେ ତାଙ୍କର ଆଗରୁ ମୁଣ୍ଡ ଦୋଷ ଥିବାର ଘରଲୋକେ ସୂଚନା ଦେଇଛନ୍ତି। ତେବେ ବୃଦ୍ଧାଙ୍କ ମୃତ୍ୟୁ ଯୋଗୁଁ ଗ୍ରାମରେ ସୋକରଛାୟା ଖେଳିଯାଇଛି।
