ବରୀ,୧୭l୧୦(ରତ୍ନଗିରି ନ୍ୟୁଜ):ରକ୍ତ ଦାନ ମହାପୁଣ୍ୟ, ବୁନ୍ଦାଏ ରକ୍ତ ଜଣଙ୍କୁ ବଞ୍ଚାଇବାର ସାହାରା ହୋଇଥାଏ। ମାନ୍ୟବର ମୁଖ୍ୟମନ୍ତ୍ରୀ ଙ୍କ ୭୭ ତମ ଜନ୍ମ ଦିବସ ଅବସରରେ ବରୀ ବିଜେଡି ତରଫରୁ ରତ୍ନଗିରି ସରକାରୀ ଉଚ୍ଚ ବିଦ୍ୟାଳୟ ଠାରେ ଏକ ମେଗା ରକ୍ତଦାନ ଶିବିରର ଆୟୋଜିତ କରାଯାଇଥିଲା l ଏହି କାର୍ଯ୍ୟକ୍ରମରେ ବରୀ ବିଧାୟିକା ସୁନନ୍ଦା ଦାସ ଯୋଗଦେଇ ପ୍ରଥମେ ଗୌତମ ବୁଦ୍ଧ ଓ ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବା ପରେ ଫିତା କାଟି ଉକ୍ତ ରକ୍ତଦାନ ଶିବିରକୁ ଉଦ୍ଘାଟନ କରିଥିଲେ। ଉକ୍ତ ରକ୍ତଦାନ ଶିବିରରେ ବରୀ ଅଞ୍ଚଳର ବହୁ ସ୍ଵଚ୍ଛାସେବୀ, ଯୁବ ବିଜେଡ଼ି, ଛାତ୍ର ବିଜେଡ଼ି, ମହିଳା ବିଜେଡିର କର୍ମକର୍ତ୍ତା ମାନଙ୍କ ଉଦ୍ୟମ କ୍ରମେ ଉକ୍ତ ରକ୍ତଦାନ ଶିବିର ରେ ୨୫୧ ୟୁନିଟ ରକ୍ତ ସଂଗୃହୀତ ହୋଇଥିବାର ସୂଚନା ମିଳିଛି। ଏହି କାର୍ଯ୍ୟକ୍ରମକୁ ସଫଳ କରିବା କ୍ଷେତ୍ରରେ ବିଜେଡି ସଂଯୋଜକ ଦେବେନ୍ଦ୍ର ଦାସ, ବ୍ଲକ ସଭାପତି କେଦାର ସାମଲ, ଯାଜପୁର ସାଂସଦଙ୍କ ପ୍ରତିନିଧି ପ୍ରଦୀପ କୁମାର ଘଡ଼ାଇ, ସରପଞ୍ଚ ଶରଳା ମଳିକ, ଚପଳା ମଲ୍ଲ, ସ୍ଵର୍ଣ୍ଣଲତା ସାହୁ, ସମାଜସେବୀ ଅରବିନ୍ଦ ମହାନ୍ତି, ଗୁରୁଚରଣ ଦାସ, ପର୍ଶୁରାମ ଜେନା, ବିଜୟ କୁମାର ସାହୁ, ବିରେନ ରାଉତ, ସ୍ମୃତି ରଞ୍ଜନ ପରିଡା, ଇନ୍ଦ୍ରଜିତ ମହାନ୍ତି, ଚତୃଭୂଜ ଦ୍ବିବେଦୀ, ସଚିଦାନନ୍ଦ ମହାକୁଳଙ୍କ ସମେତ ବରୀ ବିଜେଡିର ଆଗ ଧାଡ଼ିର ବହୁ କର୍ମୀ ଉପସ୍ଥିତ ଥିଲେ।ଏହି ଶିବିରକୁ ଓଡିଶା ମୋ ପରିବାର ଜୀବନ ବିନ୍ଦୁ ଜିଲ୍ଲା ସଂଯୋଜକ ଶ୍ରୀ ବିମଲ ଚନ୍ଦ୍ର ଦାସ ପରିଚାଳନା କରିଥିଲେ।
