ସମୟ ବଦଳିବ ସହ ଆମ ସମସ୍ତଙ୍କ ଜୀବନଶୈଳୀ ମଧ୍ୟ ଦିନକୁ ଦିନ ପରିବର୍ତ୍ତନ ହେବାରେ ଲାଗିଛି l ଯାହା ଫଳରେ ଅନେକ ଲୋକଙ୍କ ସ୍ବାସ୍ଥ୍ୟ ଅବସ୍ଥା ମଧ୍ୟ ବିଗିଡ଼ିବାରେ ଲାଗିଛି । ଏବେ ସମସ୍ତଙ୍କୁ ଘାରିଛି ଫିଟନେସର ଚିନ୍ତା l ପୁରୁଷ ହୁଅନ୍ତୁ ବା ମହିଳା ସମସ୍ତେ ଫିଟ୍ ରହିବାର ଚିନ୍ତାରେ । ଆଉ ଏହାରି ଭିତରେ ସବୁଠାରୁ ଚିନ୍ତା ବଢ଼ିଛି ମୋଟାପଣ । ଏଥି ପାଇଁ ବ୍ୟସ୍ତ ହେବାର ନାହିଁ, ଆପଣ ଚାହିଁଲେ ନିଜର ମୋଟାପଣ କୁ କମେଇବା ସହିତ ରହି ପାରିବେ ସମ୍ପୂର୍ଣ୍ଣ ଫିଟ l ଏଥିପାଇଁ ବିଶେଷଜ୍ଞ ମାନେ ସାପ୍ତାହିକ ଡାଏଟ୍ ମନ୍ତ୍ର ଦେଇଛନ୍ତି । ତେବେ ଜାଣନ୍ତୁ ସୋମବାର ଠାରୁ ରବିବାର ମଧ୍ୟରେ ଆପଣମାନଙ୍କୁ କଣ କରିବାକୁ ପଡିବ l
ସୋମବାର
ଜଳଖିଆ:୩/୪ କପ୍ କର୍ଣ୍ଣଫ୍ଲେକ୍ସ, ଗୋଟିଏ କଦଳୀ କିମ୍ବା ସେଓ, ସର ବାହାର କରିନିଆଯାଇଥିବା ୧ କପ୍ କ୍ଷୀର ।
ମଧ୍ୟାହ୍ନଭୋଜନ: ଭାତ, ପାଉଁରୁଟି, ଆଳୁ କିମ୍ବା ପାସ୍ତା ବଦଳରେ ରୁଟି ଖାଆନ୍ତୁ । ଏହା ସହ ଖୁବ୍ ଅଳ୍ପ ଚିଜ୍, ନ ହେଲେ ୧ ପିସ୍ ଚିକେନ୍, ସାଲାଡ୍ ଏବଂ କୌଣସି ପ୍ରକାରର ଫଳ ଖାଆନ୍ତୁ ।
ରାତ୍ରି ଭୋଜନ: ୧ ପିସ୍ ମାଛ, କୋରା ଛେନା , ସାଲାଡ୍ ଏବଂ ଫ୍ୟାଟ୍ ଫ୍ରି ଆଇସ୍କ୍ରିମ୍ ।
ମଙ୍ଗଳବାର
ଜଳଖିଆ: ସକାଳୁ ଖାଲିପେଟରେ ଲେମ୍ବୁ ଏବଂ ମହୁର ପାଣି ପିଅନ୍ତୁ । କିଛି ସମୟ ପରେ ମଲାଇ କାଢି ନିଆଯାଇଥିବା ଫ୍ୟାଟ୍ ଫ୍ରି କ୍ଷୀର ପିଅନ୍ତୁ । ଇଚ୍ଛା ହେଲେ ଗୋଟିଏ ସେଓ କିମ୍ବା କଦଳୀ ଖାଇପାରନ୍ତି ।
ମଧ୍ୟାହ୍ନ ଭୋଜନ: ୨ଟି ରୁଟି, ଗିନାଏ ଭାତ ସହିତ ସନ୍ତୁଳା
ସ୍ନାକ୍ସ: ଚା ସହିତ ବିସ୍କୁଟ । (ଗ୍ରୀନ୍ ଟି ହେଲେ ଆହୁରି ଭଲ)
ରାତ୍ରିଭୋଜନ: ସାଣ୍ଡୱିଚ୍ ସହ ବିଭିନ୍ନ ପ୍ରକାର ସାଲାଡ୍
ବୁଧବାର
ଜଳଖିଆ: ଦିନର ଆରମ୍ଭ କଫିରୁ କରନ୍ତୁ । ଓଟ୍ ସହିତ ଗିଲାସେ କ୍ଷୀର ଏବଂ ଏହା ସହ ଗୋଟିଏ ଛୋଟ କଦଳୀ ଉପରେ ମହୁ ଲଗାଇ ଖାଇପାରିବେ ।
ମଧ୍ୟାହ୍ନ ଭୋଜନ: ୧ କପ୍ ଭାତ, ଡାଲି, ପରିବା ତରକାରୀ, ଅଙ୍ଗୁର କିମ୍ବା କଦଳୀ ଭଳି କିଛି ଫଳ
ରାତ୍ରିଭୋଜନ: ସିଝା ଚିଙ୍ଗୁଡ଼ି ୨ଟି, ପରିବା ତରକାରୀ, ରୁଟି
ଗୁରୁବାର
ଜଳଖିଆ: ସେଓ, କଦଳୀ ଏବଂ ଫ୍ୟାଟ୍ ଫ୍ରି ଦହି
ମଧ୍ୟାହ୍ନ ଭୋଜନ: ଟମାଟୋ ସୁପ୍, ମୂଳା ଭଜା ବା ସିଝା, ଅଳ୍ପ ଚିକେନ୍, କିଛି ସାଲାଡ୍, ଦୁଇଟି ରୁଟି, ୧ କପ୍ ପରିବା ତରକାରୀ
ରାତ୍ରିଭୋଜନ: ଅକାଣ୍ଡିଆ ଚାଉଳର ଭାତ ସହିତ ଗିନାଏ ପରିବା ତରକାରୀ ।
ଶୁକ୍ରବାର
ପ୍ରାତଃଭୋଜନ: ୧ କପ୍ ଯେକୌଣସି ପ୍ରକାର କୋଳି, କିଛି ଆଲ୍ମଣ୍ଡ ବା ପିସ୍ତା ବାଦାମ ଏବଂ ଅଳ୍ପ ଫ୍ୟାଟ୍ ଫ୍ରି କ୍ଷୀର
ମଧ୍ୟାହ୍ନ ଭୋଜନ: କିଛି ବିନ୍ସ ଭଜା, ଗୋଟିଏ ରୁଟି, ଗିନାଏ ପରିବା ତରକାରୀ କିମ୍ବା ଚିଜ୍ , କିଛି କାକୁଡ଼ି ସାଲାଡ୍
ରାତ୍ରିଭୋଜନ: ଦୁଇଟି ରୁଟି ସହିତ ସାଲାଡ୍
ଶନିବାର
ଜଳଖିଆ: ଦୁଇଟି ଇଡ୍ଲି ବା ରୁଟି, ପରିବା ତରକାରୀ, ୧ଟି କଦଳୀ, ଫ୍ୟାଟ୍ ଫ୍ରୀ କ୍ଷୀର
ମଧ୍ୟାହ୍ନ ଭୋଜନ: ଗୋଟିଏ ରୁଟି, ୧ କପ୍ ଭାତ, ଅଳ୍ପ ଦହି, ୧ ପିସ୍ ମାଛ ତରକାରୀ, କିଛି ସାଲାଡ୍
ରାତ୍ରିଭୋଜନ: ଭାତ, କିଛି ପରିବା ତରକାରୀ ଏବଂ ଗୋଟିଏ ସେଓ
