ଭୁବନେଶ୍ୱର (ରତ୍ନଗିରି ନ୍ୟୁଜ) : ରାଜ୍ୟ, ଜିଲ୍ଳା ଓ ବ୍ଲକସ୍ତରର ସମସ୍ତ କଂଗ୍ରେସ ନେତୃବର୍ଗ ତଥା ପଦାଧିକାରୀଙ୍କୁ ଆଜି ଗ୍ରାଣ୍ଡଲୁମ୍ବିନି କନ୍ଭେନସନ୍ରେ ପୂର୍ବତନ ପିସିସି ସଭାପତି ତଥା ବରିଷ୍ଠ କଂଗ୍ରେସ ନେତା ଶ୍ରୀଯୁକ୍ତ ନିରଞ୍ଜନ ପଟ୍ଟନାୟକ ଏକ ଭବ୍ୟ ମଧ୍ୟାହ୍ନ ଭୋଜନ ଆୟୋଜନ କରିଥିଲେ । ନବନିଯୁକ୍ତ ପିସିସି ସଭାପତି ଶ୍ରୀଯୁକ୍ତ ଶରତ ପଟ୍ଟନାୟକ ସୁରରାଉତରାୟଙ୍କ ପୁଅ ସିଦ୍ଧାର୍ଥ ରାଉତରାୟଙ୍କୁ ସମ୍ମାନୀତ କରିଥିଲେ । ପାଖାପାଖି ୮୦୦ ରୁ ଅଧିକ କଂଗ୍ରେସ କର୍ମୀ ଓ ନେତୃମଣ୍ଡଳୀ ମଧ୍ୟାହ୍ନ ଭୋଜନରେ ଯୋଗଦାନ କରିଥିଲେ । ପ୍ରାକ୍ତନ ପିସିସି ସଭାପତି ଶ୍ରୀ ପଟ୍ଟନାୟକ କହିଥିଲେ କଂଗ୍ରେସ ଏକ ପରିବାର ଏବଂ ଏ ପରିବାର ଭିତରେ କିଛି ଅଭାବ ଅସୁବିଧା ଥିଲେ ବାହାରେ କହିବା ପରିବର୍ତେ ଘର ଭିତରେ ଆଲୋଚନା କରନ୍ତୁ । କଂଗ୍ରେସର କ୍ଷତି ପହଂଚାନ୍ତୁ ନାହିଁ । ସସସ୍ତେ ବହୁ ପରିଶ୍ରମ କରି କଂଗ୍ରେସକୁ ଫେରାଇବୁ । ଉକ୍ତ ମଧ୍ୟାହ୍ନ ଭୋଜନରେ ଓଡ଼ିଶା ପ୍ରଭାରୀ ସାଂସଦ ଡ. ଏ ଚେଲା କୁମାର, ସହପ୍ରଭାରୀ ଜି. ରୁଦ୍ର ରାଜୁଙ୍କ ସମେତ ବହୁ ବିଧାୟକ, ପୂର୍ବତନ ବିଧାୟକ, ସାଂସଦ ଓ ମନ୍ତ୍ରୀଙ୍କ ସହିତ ବ୍ଲକ, ନଗର, ଜିଲ୍ଲା ସଭାପତିଗଣ, ପିସିସିର ପୂର୍ବତନ ପଦାଧିକାରୀ ଗଣ ଯୋଗଦେଇଥିଲେ ।
