ବରୀ (ରତ୍ନଗିରି ନ୍ୟୁଜ) :- ନବଜ୍ୟୋତି ସାହିତ୍ୟ ସଂସଦର ଇଂରାଜୀ ନୂଆବର୍ଷର କବିତା ଆସର ସଭାପତି ବୃନ୍ଦାବନ ସାମଲଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଶନିବାର ଅପରାହ୍ନରେ କ୍ଷେମେଶ୍ୱରସ୍ଥିତ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ପରିସରରେ କବି ଶମ୍ଭୁନାଥ ତ୍ରିପାଠୀଙ୍କ ସଂଯୋଜନାରେ ଏକ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା । ପାଠ କରାଯାଇଥିବା କବିତା ଗୁଡିକରେ ସାମାଜିକ ଚିତ୍ର, ନୂଆବର୍ଷ, ମହାମାରୀ କରୋନା ସମ୍ପର୍କରେ ଅନେକ କଥା ବର୍ଣ୍ଣନା କରାଯାଇଥିବାବେଳେ ଉକ୍ତ କବିତା ପାଠୋତ୍ସବ ନିଆରା ପରମ୍ପରା ସୃଷ୍ଟି କରୁଛି ବୋଲି ଉପସ୍ଥିତ ସାରସ୍ୱତ ପ୍ରତିଭାମାନେ ମତ୍ୟବ୍ୟକ୍ତ କରିଥିଲେ । କବି ଅଜୟ କୁମାର ଜେନା ପଠିତ କବିତା ଗୁଡିକୁ ସମୀକ୍ଷା କରିଥିବାବେଳେ ସମ୍ପାଦିକା ସବିତା ନାୟକ ସ୍ୱାଗତ ଅଭିଭାଷଣ ଅନୁଷ୍ଠାନର ଆଭିମୁଖ୍ୟ ସମ୍ପର୍କରେ ଆଲୋଚନା କରିଥିଲେ । ଅବସରପ୍ରାପ୍ତ ଶିକ୍ଷକ ତଥା କବି ଗୁରୁଚରଣ ମହାନ୍ତି ଧନ୍ୟବାଦ ଅର୍ପଣ କରିଥିଲେ । କବିତା ପାଠୋତ୍ସବରେ ଶୁଭଲକ୍ଷ୍ମୀ ରାୟ, ଚିନ୍ମୟଦତ୍ତ ପାଢୀ, ନମିତା ଓଝା, ମନମୋହନ ପାଢୀ, ପ୍ରମିଳା ବିଶ୍ଵାଳ, ଦୁଃଶାସନ ବେହେରା, ଗୁରୁଚରଣ ମହାନ୍ତି, କୁମାର ଚନ୍ଦ୍ର ଶୁକ୍ଳ, ବନିତା ବେହେରା, ସୁରେନ୍ଦ୍ର କୁମାର ସାହୁ, ଶମ୍ଭୁନାଥ ତ୍ରିପାଠୀ, ସବିତା ନାୟକ, ଅଜୟ କୁମାର ଜେନା କବିତା ପାଠ କରିଥିଲେ ।
