ବରୀ (ରତ୍ନଗିରି ନ୍ୟୁଜ) : ସହିଦ ସ୍ମୃତି କମିଟି ଯଁପଡ଼ା ତରଫରୁ ନେତାଜୀ ସୁବାଷ ଚନ୍ଦ୍ର ବୋଷ ଙ୍କ 127ତମ ଜନ୍ମ ଜୟନ୍ତୀ ଯଁପଡ଼ା ଠାରେ ରୀତି ନୀତି ଅନୁସାରେ ପାଳନ କରାଯାଇଛି। ପ୍ରଥମେ ନେତାଜୀ ଙ୍କ ଫଟୋ ଚିତ୍ର ରେ ପୁଷ୍ପ ମାଲ୍ୟ ଅର୍ପଣ କରାଯାଇ ବିଭିନ୍ନ ବିଦ୍ୟାଳୟ ରୁ ଆସିଥିବା ଛାତ୍ର ଛାତ୍ରୀ ମାନଙ୍କ ଦ୍ଵାରା ଏକ ପ୍ରତିଯୋଗିତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ପରେ ଏକ ସଭା ର ଆୟୋଜନ କରା ଯାଇଥିଲା। ଉକ୍ତ ସଭାରେ ମୁଖ୍ୟ ଅତିଥି ଭାବେ ଅବସର ପ୍ରାପ୍ତ ଶିକ୍ଷକ ବେଣୁଧର ପତି, ମୁଖ୍ୟ ବକ୍ତା ଭଞ୍ଜ କିଶୋର ଦାସ, ସମ୍ମାନୀୟ ଅତିଥି ଲାଲ୍ ବାହାଦୁର ହାଇସ୍କୁଲ ର ପ୍ରଧାନ ଶିକ୍ଷକ ରବୀନ୍ଦ୍ର ପତି, ମଠ ସାହି ସଂସ୍କୃତ ବିଦ୍ୟାଳୟ ର ଅବସର ପ୍ରାପ୍ତ ପ୍ରଧାନ ଶିକ୍ଷକ ଲକ୍ଷ୍ମୀଧର ବେହେରା ଯୋଗ ଦେଇଥିଲେ। ଗୀତିକାର ତଥା ଅଭିନେତା ଯଯାତି କେଶରୀ ନାୟକ ସଭାପତିତ୍ବ କରିଥିଲାବେଳେ, ନିଗମାନନ୍ଦ ଦାସ ପ୍ରାରମ୍ଭିକ ଭାଷଣ ଦେଇଥିଲେ l ଅଭିମନ୍ୟୁ ମଲିକ ନେତାଜୀଙ୍କ ଉଦ୍ଦେଶ୍ୟ କୁ ଟିକ୍ ନିକ୍ ବ୍ୟାଖ୍ୟା କରିଥିଲେ । ସଭା ଶେଷରେ କୃତୀ ଛାତ୍ର ଛାତ୍ରୀ ମାନଙ୍କୁ ସାର୍ଟିଫିକେଟ ସହିତ ପୁରସ୍କାର ପ୍ରଦାନ କରାଯାଇଥିଲା l
