ବରୀ (ରତ୍ନଗିରି ନ୍ୟୁଜ) : ଯାଜପୁର ଜିଲ୍ଲା ବରୀ ବ୍ଲକ୍ ଅନ୍ତର୍ଗତ ଧାରପୁର ପଞ୍ଚାୟତର ନାଥପୁର କେନ୍ଦୁଆଠାରେ ନବ ନିର୍ମିତ ଶ୍ରୀ ଜଗନ୍ନାଥ ମନ୍ଦିରର ପ୍ରତିଷ୍ଠା ଉତ୍ସବ ଚଳିତ ମାସ ୧୭ତାରିଖ ଶନିବାର ଦିନ ଅନୁଷ୍ଠିତ ହେବ । ୮ଦିନ ଧରି ମନ୍ଦିର ପ୍ରତିଷ୍ଠା ଉପଲକ୍ଷେ ବିଭିନ୍ନ କାର୍ଯ୍ୟକ୍ରମ ରହିଥିôବା ଗ୍ରାମବାସୀମାନଙ୍କ ପକ୍ଷରୁ ସୂଚନା ଦିଆଯାଇଛି । ଏହି ଅବସରରେ ୧୭ତାରିଖ ଦିନ ଅଙ୍କୁରାରୋପଣ, ଯଜ୍ଞମଣ୍ଡପ ପ୍ରସ୍ତୃତି କାର୍ଯ୍ୟ ହେବାକୁ ଥିବାବେଳେ ୧୮ତାରିଖରେ କଳସ ଯାତ୍ରା, ଘଟାଧିବାସ, ସୂର୍ଯ୍ୟପୂଜା, ଗୁରୁପୂଜା, ଗୋ-ପୂଜା, ଅଗ୍ନି ସଂସ୍କାର, ଆହୁତି ପ୍ରଦାନ ସାଙ୍ଗକୁ ସନ୍ଧ୍ୟାରେ ଭଜନ ସମାରୋହ ଅନୁଷ୍ଠିତ ହେବ ।
ସେହିପରି ୧୯ତାରିଖ ସୋମବାର ଦିନ ସୂର୍ଯ୍ୟପୂଜା, ଗୁରୁପୂଜା, ଗୋ-ପୂଜା, ଅଗ୍ନି ସଂସ୍କାର, ମଣ୍ଡଳପୂଜା ଦେବତା, ଷୋଡଷ ଉପଚାର ପୂଜା, ପାର୍ଶ ଦେବତା ପ୍ରତିଷ୍ଠା, ମନ୍ଦିର ପ୍ରତିଷ୍ଠା, ଆହୁତି ପ୍ରଦାନ ଏବଂ ଭଜନ ସମାରୋହ ହେବାକୁ ଥିବାବେଳେ ୨୦ତାରିଖ ମଙ୍ଗଳବାର ଦିନ ଯଜ୍ଞ ପୂର୍ଣ୍ଣାହୂତି ଅନୁଷ୍ଠିତ ହେବ । ଶ୍ରୀଜଗନ୍ନାଥ ମନ୍ଦିର ପ୍ରତିଷ୍ଠା ଉପଲକ୍ଷେ ୨୨ତାରିଖ ଠାରୁ ୨୪ ତାରିଖ ପର୍ଯ୍ୟନ୍ତ ତିନି ଦିନ ବ୍ୟାପି ଅଷ୍ଟମ ପ୍ରହର, ଶୁଭାଧିବାସ, ନାମ ସଂକୀର୍ତ୍ତନ ଓ ନଗର ଭ୍ରମଣ ଅନୁଷ୍ଠିତ ହେଉଥିବାରୁ ବହୁ ସଂଖ୍ୟାରେ ଜଗନ୍ନାଥ ପ୍ରେମୀ ଭକ୍ତ ବୃନ୍ଦ ଯୋଗଦେଇ ବିଭୂକୃପା ଲାଭ କରିବାକୁ ନାଥପୁର କେନ୍ଦୁଆ ଗ୍ରାମବାସୀମାନେ ଅନୁରୋଧ କରିଛନ୍ତି ।
