ବରିଷ୍ଠ ସାମ୍ବାଦିକ ବିଜୟ ଦାଶଙ୍କ ଶୋକସଭା

ପାଇକମାଳ(ରତ୍ନଗିରି ନ୍ୟୁଜ)୨୩।୧୨ :- ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ସାମ୍ବାଦିକ ସଙ୍ଘର ସଭାପତି ଶ୍ରୀ ବିଜୟ ଦାସ ଙ୍କର ବୁଧବାର ତାଙ୍କର ଗାଇସିଲେଟ ବ୍ଲକ କଠଉମାଲ ପଞ୍ଚାୟତ ତୁର୍ଚ୍ଚା ଗ୍ରାମରେ ୭୨ ବର୍ଷ ବୟସରେ ନିଧନ ହୋଇ ଯାଇଥିଲା । ତାଙ୍କର ମୃତ୍ୟୁ ର ଖବର ଜାଣିବା ପରେ ଉପଖଣ୍ଡ ସାମ୍ବାଦିକ ମହଲରେ ଶୋକର ଛାୟା ଖେଳି ଯାଇଥିଲା । ବରଗଡ଼ ଜିଲ୍ଲାର ର ସମସ୍ତ ସାମ୍ବାଦିକ ଶ୍ରୀ ଦାସ ଙ୍କର ବିୟୋଗରେ ଶୋକ ବ୍ୟକ୍ତ କରିଛନ୍ତି । ଗୁରୁବାର ପାଇକମାଲ ଧର୍ମଶାଳା ଠାରେ ବରିଷ୍ଠ ସାମ୍ବାଦିକ  ବଡ଼ ସଥପଥୀ ଙ୍କର ଅଧ୍ୟକ୍ଷତାରେ ଏକ ନିରାଡ଼ମ୍ବର ଶୋକ ସଭାର ଆୟୋଜନ କରାଯାଇ ଶ୍ରୀ ଦାସ ଙ୍କର ଫୋଟୋ ରେ ମାଲ୍ୟାର୍ପଣ କରାଯାଇ ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଥିଲା । ଏହି ଅବସରରେ ସାମ୍ବାଦିକ  ସୁରଥ ସାହୁ , ଗୌରାଙ୍ଗ ଦାସ , ବିଦ୍ୟାଧର ସାହୁ , ସୁମନ୍ତ ସାହୁ , ମାନସ ନାୟକ , ଧୀରେନ ମହାନ୍ତି , ନିରୋଜ ପାଣି, ପାଇକମାଳ ହକର ରୋଶନ ରାହୁଳ, ଉମାକାନ୍ତ ମହାରଣା ପ୍ରମୁଖ ଉପସ୍ଥିତ ଥିଲେ ।