ହିଞ୍ଜିଳିକାଟୁ (ରତ୍ନଗିରି ନ୍ୟୁଜ)୨୧/୧୨: ଗଣ୍ଡଳlର ଗଣେଶ ବିଦ୍ୟାପୀଠ ପରିସର ମଧ୍ୟରେ ପୂର୍ବତ୍ତନ ଶିକ୍ଷୟିତ୍ରୀ ଜ୍ୟୋତି ଦାସଙ୍କ ବିୟୋଗରେ ଏକ ଶୋକସଭା ଅନୁଷ୍ଠିତ ହୋଇଥିଲା | ପ୍ରଧାନ ଶିକ୍ଷକ ରାମହରି ସାହୁ ଦିବଂଗତ ଶିକ୍ଷୟତ୍ରୀ ଙ୍କ ଫୋଟୋରେ ପୁଷ୍ପମାଲ୍ୟ ଅର୍ପଣ କରିଥିଲେ | ବରିଷ୍ଠ ଶିକ୍ଷକ ଲଡୁ କିଶୋର ପାଢ଼ୀ ଫୁଲ, ଚନ୍ଦନ, ଓ ଦୀପ ଧୂପ ଦେଇ ଅମର ଆତ୍ମାର ସଦ୍ଗତି ପ୍ରାର୍ଥନା କରିଥିଲେ |û ଶ୍ରୀମତୀ ଜ୍ୟୋତି ଦାସ ଗଣେଶ ବିଦ୍ୟାପୀଠ, ଗଣ୍ଡଳା ରେ 1989 ମସିହାରେ ବିଜ୍ଞାନ ଶିକ୍ଷୟିତ୍ରୀ ଭାବେ ଯୋଗ ଦେଇଥିଲେ | ଦୀର୍ଘ 31 ବର୍ଷ ଧରି ଶିକ୍ଷାଦାନ କରିବା ପରେ 13.09.2020 ରେ ପ୍ରଧାନ ଶିକ୍ଷୟିତ୍ରୀ ପଦକୁ ଉନ୍ନୀତ ହୋଇ ଖାରିଆଗୁଡା ହାଇସ୍କୁଲ କୁ ବଦଳି ହୋଇଥିଲେ | ସେ ଅତି ଛାତ୍ରଛାତ୍ରୀବତ୍ସଳ, କର୍ତ୍ତବ୍ୟ ପରାୟଣା ଓ ଶୃଙ୍ଖଳିତ ଶିକ୍ଷୟିତ୍ରୀ ଥିଲେ |ସମସ୍ତ ଶିକ୍ଷୟିତ୍ରୀ ତାଙ୍କର ଗୁଣଗାନ କରିଥିଲେ ଓ ଅମର ଆତ୍ମାର ସଦଗତି ପ୍ରାର୍ଥନା କରିଥିଲେ | ତାଙ୍କର ଦୀର୍ଘଦିନ ଧରି ଶରୀର ଅସୁସ୍ଥ ରହୁଥିଲା ଓ ମଧୁମେହ ରୋଗରେ ସେ ପୀଡିତ ଥିଲେ | ୧୮ ତାରିଖ ଦିନ ସେ ଶେଷ ନିଶ୍ବାସ ତ୍ୟାଗ କରିଥିଲେ | ସମସ୍ତ ଛାତ୍ରଛାତ୍ରୀ ଦିବଂଗତ ଶିକ୍ଷୟିତ୍ରୀଙ୍କ ଅମର ଆତ୍ମାର ସଦଗତି ନିମନ୍ତେ ନୀରବ ପ୍ରାର୍ଥନା କରାଯାଇଥିଲା l
