ନୂଆଦିଲ୍ଲୀ: ମହାମାରୀ କରୋନା ଭାଇରସ ଅନେକଙ୍କ ଘର ଉଜାଡ଼ି ଦେଇଛି। କିଏ ବାପା ମା’ଙ୍କୁ ହରାଇଛି ତ କିଏ ସ୍ୱାମୀ, ସ୍ତ୍ରୀ, ଭାଇ ଓ ଭଉଣୀଙ୍କୁ ହରାଇଛି। ବହୁତ କମ ବୟସରେ କରୋନା ଅନେକଙ୍କୁ ପରପାରିକୁ ନେଇ ଯାଇଛି। ସାରା ଦେଶରେ ଏଭଳି ସ୍ଥିତି ଉପୁଜିଥିବା ବେଳେ ପ୍ରତିଦିନ ଗଣମାଧ୍ୟମରେ ଅନେକ ହୃଦୟବିଦାରକ ଘଟଣା ପ୍ରକାଶ ପାଉଛି।
ଆଜି କରୋନାରେ ପ୍ରାଣ ହରାଇଥିବା ଲୋକଙ୍କ ପରିବାର ଲୋକଙ୍କ କଥା ମନେ ପକାଇ ଦେଶର ପ୍ରଧାନମନ୍ତ୍ରୀ ବେଶ ଭାବବିହ୍ୱଳ ହୋଇ ପଡ଼ିଛନ୍ତି। ସେ କରୋନା ମୃତକଙ୍କ ବିଷୟରେ କହିବା ବେଳେ ତାଙ୍କ ସ୍ୱର ଗମ୍ଭୀର ହୋଇଯାଇଥିବା ବେଳେ ଆଖି ଜକେଇ ମଧ୍ୟ ଆସିଛି।
