ଭଦ୍ରକ (ରତ୍ନଗିରି ନ୍ୟୁଜ): ଆଜି ଭଦ୍ରକର ଜିଲ୍ଲାସ୍ତରୀୟ କାର୍ଯ୍ୟରତ ସାମ୍ବାଦିକଙ୍କ ଏକ ବନ୍ଧୁ ମିଳନ ଉତ୍ସବ ସାମ୍ବାଦିକ ପ୍ରୀୟଦର୍ଶନ ବୋଇତି ଏବଂ ଅବିନାଶ ପଣ୍ଡାଙ୍କ ତତ୍ତ୍ଵାବଧାନରେ ଆଦର ଗ୍ରାମ୍ୟ ଜଙ୍ଗଲ ଠାରେ ଅନୁଷ୍ଟିତ ହୋଇଯାଇଛି । ଏହି ଉପଲକ୍ଷେ
ଏକ ସଭାକାର୍ଯ୍ୟ ଅନୁଷ୍ଟିତ ହୋଇଥିଲା । ବରିଷ୍ଠ ସାମ୍ବାଦିକ ଚାରୁଦତ୍ତ ନାୟକ, ଶାନ୍ତନୁ ପଣ୍ଡା, ନରେନ୍ଦ୍ର ସାମଲ, ଶ୍ରୀକାନ୍ତ
ତ୍ରୀପାଠୀ, ଅଶୋକ ନାୟକ, ଉମାକଲ୍ୟାଣ ମହାପାତ୍ର ,ମାନସ ।
ପଣ୍ଡା ପ୍ରମୁଖ ସାମ୍ବାଦିକ ମାନେ ଏହି ସଭା ପରିଚାଳନା କରିଥିଲେ ଏହି ବନ୍ଧୁମିଳନର ମୁଖ୍ୟ ଉଦେଶ୍ୟ, ଭଦ୍ରକରେ କାର୍ଯ୍ୟକରୁଥିବା ସାମ୍ବାଦିକଙ୍କ ସୁରକ୍ଷା ଓ କାର୍ଯ୍ୟରତ ସାମ୍ବାଦିକଙ୍କ ପାଇଁ ସାମ୍ବାଦିକ
ପ୍ରକୋଷ୍ଟ କରିବା ପାଇଁ ଆଲୋଚନା । ତେବେ ଆଜିର ଏହି ବନ୍ଧୁ ମିଳନ ଉତ୍ସବରେ ବହୁ ପ୍ରିଣ୍ଟ ବୈଦ୍ୟୁତିକ ଏବଂ ଡ଼ିଜିଟାଲ ମିଡ଼ିଆର ସାମ୍ବାଦିକ ମାନେ ଉପସ୍ଥିତ ଥିଲେ । ଆଜିର ଆଲୋଚନାରେ ଦୀର୍ଘ ବର୍ଷ ହେବ ସାମ୍ବାଦିକ ମାନେ ଏକ ସାମ୍ବାଦିକ ପ୍ରକୋଷ୍ଟ ପାଇଁ ଦାବି କରିଆସୁଥିଲେ ମଧ୍ୟ ଏହାକୁ ଜିଲ୍ଲା ପ୍ରଶାସନ ପୁରଣ କରୁନଥିବାରୁ ଏଠାରେ ପ୍ରତିକ୍ରୀୟା ପ୍ରକାଶ ପାଇଥିଲା ।ଏହାଛଡ଼ା ଓଡ଼ିଶାରେ ବିଭିନ୍ନ ଜିଲ୍ଲାରେ ଯେପରି ସାମ୍ବାଦିକ ମାନେ ଅନେକ ସମୟରେ ଆକ୍ରମଣର ଶିକାର ହେବା ସହ ବିଭିନ୍ନ ମିଛ ମାମଲାରେ ଫସାଯାଉଛି ସେ ଉପରେ ରାଜ୍ୟ ସରକାର ଦୃଷ୍ଟି
ଦେବାକୁ ଦାବି କରାଯାଇଥିଲା । ଏହାଛଡ଼ା ରାଜ୍ୟ ସରକାର ଜଙ୍ଗଲରେ ପଶୁ ଗଣିପାରୁଛନ୍ତି, ପକ୍ଷୀ ଗଣି ପାରୁଛନ୍ତି, ପାଣି
ଭିତରେ କୁମ୍ଭିର ଗଣି ପାରୁଛନ୍ତି କିନ୍ତୁ ଓଡ଼ିଶାରେ କେତେଜଣ କାର୍ଯ୍ୟରତ ସାମ୍ବାଦିକ ମାନେ କାର୍ଯ୍ୟକରୁଛନ୍ତି ଗଣିବା ପାଇଁ ଚେଷ୍ଟା କରୁନଥିବାରୁ ଏହା ଏକ ଦୁର୍ଭାଗ୍ୟ ଜନକ ବୋଲି ମତପ୍ରକାଶ
ପାଇଥିଲା । ଏହାଛଡ଼ା ସାମ୍ବାଦିକ ମାନଙ୍କୁ ରାଜ୍ୟ ସରକାରଙ୍କ ଦ୍ବାରା ପ୍ରଦାନ କରାଯାଇଥିବା ସ୍ୱାସ୍ଥ୍ୟ ବିମା ଯୋଜନା ୨ଲକ୍ଷରୁ ୫ଲକ୍ଷ କରିବା ଏବଂ ମାସିକ ଆର୍ଥିକ ସହାୟତା ରାଷୀ ଘୋଷଣା
କରିବାକୁ ଏଠାରେ ଉପସ୍ଥିତ ସାମ୍ବାଦିକ ମାନେ ଦାବି କରିଥିଲେ ।
