ବରୀ,୩l୧୧(ରତ୍ନଗିରି ନ୍ୟୁଜ ) : ବରୀରେ ବିଧାୟକ ବିଶ୍ୱ ରଞ୍ଜନ ମଲ୍ଲିକଙ୍କ ନେତୃତ୍ୱରେ ଜନ ସମ୍ପର୍କ ପଦଯାତ୍ରା ରବିବାର ଦିନ ଅନୁଷ୍ଠିତ ହୋଇ ଯାଇଛି। ଏହି ପଦଯାତ୍ରା ବରୀ ମାଉଣ୍ଡରୁ ବାହାରି ସନ୍ଥନ ମଠ ପର୍ୟ୍ୟନ୍ତ ଯାଇଥିଲା। ଉକ୍ତ ଜନ ସମ୍ପର୍କ ପଦଯାତ୍ରା ଅବସରରେ ବରୀ ମାଉଣ୍ଡ ଠାରେ ଅନୁଷ୍ଠିତ ସଭାରେ ପ୍ରାକ୍ତନ ବିଧାୟକ ପ୍ରଣବ ପ୍ରକାଶ ଦାସ ଯୋଗଦେଇ ବରୀ ଅଂଚଳର ବିଜୁ ଜନତା ଦଳର କର୍ମୀମାନଙ୍କ ନିଷ୍ଠା ଯୋଗୁଁ ଏହି ଦଳ ତରଫରୁ ପ୍ରାର୍ଥୀ ହୋଇଥିବା ବିଶ୍ୱ ରଞ୍ଜନ ମଲ୍ଲିକ ଗତ ସାଧାରଣ ନିର୍ବାଚନରେ ଓଡ଼ିଶାର ସର୍ବାଧିକ ଭୋଟ ବ୍ୟବଧାନରେ ବିଜୟ ଲାଭ କରିଥିବାରୁ ମୁଁ ବରୀବାସୀଙ୍କୁ କୃତଜ୍ଞତା ଜ୍ଞାପନ କରୁଛି।
ଆୟୋଜିତ ଜନ ସମ୍ପର୍କ ସମାବେଶରେ ବରୀ ବ୍ଲକ ବିଜେଡି ସଭାପତି କେଦାର ଚନ୍ଦ୍ର ସାମଲ ସଭାପତିତ୍ବ କରିଥିବା ବେଳେ ପର୍ଯ୍ୟବେକ୍ଷକ ତଥା ପ୍ରାକ୍ତନ ବିଧାୟକ ସଞ୍ଜୟ ଦାସ ବର୍ମା, ବରୀ ବିଧାୟକ ବିଶ୍ୱ ରଞ୍ଜନ ମଲ୍ଲିକ, ବିଞ୍ଝାରପୁର ବିଧାୟିକା ପ୍ରମିଳା ମଲ୍ଲିକ, ଯାଜପୁର ବିଧାୟିକା ସୁଜାତା ସାହୁ, ପୂର୍ବତନ ସାଂସଦ ଶର୍ମିଷ୍ଠା ସେଠୀ, ଧର୍ମଶାଳାର ପୂର୍ବତନ ବିଧାୟକ ପ୍ରଣବ ବଳଵନ୍ତ ରାୟଙ୍କ ସମେତ ବରୀ ବ୍ଲକ ଅଧ୍ୟକ୍ଷ ଅଶୋକ କୁମାର ଗେଡୀ, ରସୁଲପୁର ବ୍ଲକ ଉପାଧ୍ୟକ୍ଷ ଜୟନ୍ତି ଦାଶ,
ଜିଲ୍ଲା ପରିଷଦ ସଭ୍ୟ ଅଶୋକ କୁମାର ସାମଲ, ସନ୍ତୋଷ କୁମାର ସାମଲ, ଦିଲ୍ଲିପ କୁମାର ମହାନ୍ତି, ଯୁବ ବିଜେଡ଼ି ସଭାପତି ରଞ୍ଜନ କୁମାର ପଣ୍ଡା, ଛାତ୍ର ବିଜେଡ଼ି ସଭାପତି ସଦିଚ୍ଛା ପ୍ରସାଦ ସାମଲଙ୍କ ସମେତ ଏହି ନିର୍ବାଚନ ମଣ୍ଡଳୀର ସମସ୍ତ ଦଳୀୟ ଜିଲ୍ଲା ପରିଷଦ ସଭ୍ୟ/ସଭ୍ୟା, ସରପଂଚ, ସମିତି ସଭ୍ୟା/ସଭ୍ୟ ବିଜେଡିର ବରିଷ୍ଠ କର୍ମ କର୍ତ୍ତା, ଯୁବକ, ଛାତ୍ର ମହିଳା, କୃଷକ ଓ ସଂଖ୍ୟା ଲଘୁ ସମ୍ପ୍ରଦାୟର ଶହ ଶହ ସଂଖ୍ୟାରେ ଜନସାଧାରଣ ଯୋଗଦେଇ ପଦ ଯାତ୍ରାରେ ସାମିଲ ହୋଇଥିଲେ।
