ଭୁବନେଶ୍ୱର(ରତ୍ନଗିରି ନ୍ୟୁଜ): ରାଜ୍ୟରେ କରୋନା ସଂକ୍ରମଣ ରେ ହ୍ରାସ ପାଇବାରେ ଲାଗି ଥିବା ବେଳେ ରାଜ୍ୟ ସରକାର ଏହାରି ମଧ୍ୟରେ ଜୁଲାଇ ୧୬ ଯାଏଁ ରାଜ୍ୟରେ ଆଂଶିକ ଭାବରେ ଲକଡାଉନ ଘୋଷଣା କରିଛନ୍ତି l ରାଜ୍ୟରେ ଆସନ୍ତା ଜୁଲାଇ ୧୬ ତାରିଖ ସକାଳ ୫ଟା ଯାଏଁ ଆଂଶିକ ଲକଡାଉନ୍ ଜାରି ହେବା ନେଇ ଘୋଷଣା କରିଛନ୍ତି ମୁଖ୍ୟ ଶାସନ ସଚିବ ସୁରେଶ ମହାପାତ୍ର । ସଂକ୍ରମଣ କମିଥିବାରୁ କାଟlଗୋରୀ A ରେ ଆଉ ୩ ଜିଲ୍ଲା ସାମିଲ ହୋଇଛି । ସେହି ଜିଲ୍ଲା ଗୁଡିକ ହେଲେ ଢ଼େଙ୍କାନାଳ, ଅନୁଗୁଳ ଓ କେନ୍ଦୁଝର ।
ତେବେ ୩ ଜିଲ୍ଲାରେ ପଜିଟିଭ ହାର ୫%କୁ କମିଥିବାରୁ ଏହି ଜିଲ୍ଲା ଗୁଡ଼ିକ କାଟେଗୋରୀ A କୁ ଯାଇଛନ୍ତି । କାଟାଗୋରି A ରେ ଥିବା ଜିଲ୍ଲା ଗୁଡ଼ିକ ହେଉଛି ଅନୁଗୋଳ, ଢେଙ୍କାନାଳ, କେନ୍ଦୁଝର, ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼, ସମ୍ବଲପୁର, ଦେବଗଡ଼, କଳାହାଣ୍ଡି, ବଲାଙ୍ଗୀର, ନୂଆପଡ଼ା, ସୁବର୍ଣ୍ଣପୁର, ଗଞ୍ଜାମ, ଗଜପତି, କନ୍ଧମାଳ, ବୋୖଦ୍ଧ, କୋରାପୁଟ, ନବରଙ୍ଗପୁର, ମାଲକାନଗିରି ଏବଂ ରାୟଗଡ଼ା ଜିଲ୍ଲା କାଟାଗୋରୀ A ରେ ସାମିଲ କରାଯାଇଛି । ସଂକ୍ରମଣ କମିଥିବାରୁ ୨୦ଟି ଜିଲ୍ଲା କାଟେଗୋରୀ A ରେ ସାମିଲ ହୋଇଛନ୍ତି ।
ପଜିଟିଭିଟି ୫ରୁ ଅଧିକ ଥିବା ବାକି ୧୦ ଜିଲ୍ଲା କାଟେଗୋରୀ B ରେ ରହିଛି । ସେମାନେ ସକାଳ ୬ ରୁ ଦିନ ୨ ଟା ଯାଏଁ ଦୋକାନ ଖୋଲିବେ । କିନ୍ତୁ କୋଭିଡ ଗାଇଡ ଲାଇନ ପାଳନ ଦାୟିତ୍ଵ ଦୋକାନ ମାଲିକଙ୍କୁ ନେବାକୁ ପଡିବ । ଯେଉଁଠି ଏ ସଂପର୍କିତ ଗାଇଡ ଲାଇନ ଉଲଂଘନ ହେବ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ସ୍ଥିତି ଦେଖି ଗ୍ରାଜୁଆଲି ଅନଲକ ଆରମ୍ଭ କରାଯିବାକୁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି ।
କାଟେଗୋରୀ A ରେ ଥିବା ୨୦ ଜିଲ୍ଲାରେ ଦୋକାନ ଖୋଲିବା ପାଇଁ ନିର୍ଦ୍ଦେଶ ଦେଇଛନ୍ତି ସରକାର ।
ଏହି ୨୦ ଜିଲ୍ଲାରେ ସକାଳ ୬ ଟାରୁ ସନ୍ଧ୍ୟା ୬ଟା ଯାଏଁ ଦୋକାନ ଖୋଲିବା ପାଇଁ ନିର୍ଦ୍ଦେଶ ଦେଇଛନ୍ତି ।
ସେହିପରି ସପିଙ୍ଗ ମଲ୍, ପାର୍ଲର କୁ ଛାଡି ଆଉ ସବୁ ଦୋକାନ ଖୋଲିବାକୁ ନିଷ୍ପତି ଗ୍ରହଣ କରାଯାଇଥିବା ସୂଚନା ମିଳିଛି ।
୨୦ଟି ଜିଲ୍ଲାରେ ଧାର୍ଯ୍ୟ ସିଟରେ ବସ୍ ଓ ଟ୍ୟାକ୍ସି ଚଳାଚଳ କରିବ । ୨୦ ଜିଲ୍ଲାରେ ଇନ୍ଡୋର ଓ ଆଉଟଡୋର ସୁଟିଂକୁ ମଧ୍ୟ ଅନୁମତି ମିଳିବ l ଏହା ସହିତ ମଲ୍ ସିନେମା ହଲ ଖୋଲିବା ଉପରେ ମଧ୍ୟ କଟକଣା ଲଗାଯାଇଛି, ବାହାଘର, ଶୁଦ୍ଧି କାର୍ଯ୍ୟ ପାଇଁ ଥିବା କଟକଣା ବଳବତ୍ତର ରହିବ ବୋଲି ଶ୍ରି ମହାପାତ୍ର ସୂଚନା ଦେଇଛନ୍ତି
