ରଣବୀର ସିଂହ ଏମିତି ଜଣେ ଅଭିନେତା ଯିଏ କମ ସମୟରେ ଟପ୍ ଅଭିନେତାର ଆଖ୍ୟା ପାଇଛନ୍ତି । ତାଙ୍କ ଅଭିନୟ ଦକ୍ଷତା ତାଙ୍କୁ ସଫଳ କରିଛି । ସେ କୌଣସି ଚରିତ୍ର କରିବା ପୂର୍ବରୁ ଭଲ ଭାବେ ରିସର୍ଚ୍ଚ କରନ୍ତି ଓ ଭଲ ଭାବେ ସେହି ଚରିତ୍ରକୁ କରିବାକୁ ଚେଷ୍ଟା କରନ୍ତି । ପେଶୱା ବାଜିରାଓ, ଅଲ୍ଲାଉଦିନ ଖିଲଜୀ ଭଳି ଅନେକ ଚରିତ୍ର ଏହାର ସ୍ପଷ୍ଟ ଉଦାହରଣ । ଫିଲ୍ମ ସୁଟିଂ ବେଳେ ଅନେକ ଅଜବ ଘଟଣା ମଧ୍ୟ ଘଟିଥାଏ । ବାଜିରାଓ ମସ୍ତାନୀ ସୁଟିଂ ସମୟରେ ରଣବୀର ସିଂହଙ୍କ ସହ ଏମିତି ଏକ ଘଟଣା ଘଟିଥିଲା ଯାହା ଭୟାନକ ଥିଲା । ରଣବୀର ସିଂହ ନିଜେ ଏକ ସାକ୍ଷାତକାରରେ କହିଥିଲେ ଯେ ଫିଲ୍ମ ସୁଟିଂ ସମୟରେ ପେଶୱା ବାଜିରାଓଙ୍କ ଭୁତ ଦେଖିଥିଲେ ।
ଫିଲ୍ମ ପରେ ଏକ ସାକ୍ଷାତକାରରେ ରଣବୀର କହିଥିଲେ ଯେ ଯେଉଁଦିନ ଏହି ଘଟଣା ଘଟିଥିଲା ସେହି ଦିନଟି ବହୁତ କଠିନ ଥିଲା । ସେ ପ୍ରତି ମୁହୂର୍ତ୍ତରେ ଅନୁଭବ କରିଥିଲେ ଯେ ସୁଟିଂ ସେଟରେ କିଛି ଗଡବଡ ଅଛି । ସେ କାହାର ଉପସ୍ଥିତି ଅନୁଭୂତ କରିଥିଲେ । ଯେଉଁଥିପାଇଁ ସେ ଚିନ୍ତିତ ହୋଇଯାଇଥିଲେ । ଏକ କଳା କାନ୍ଥରେ ଧଳା ମାଟିରେ ଏକ ଚିତ୍ର ଅଙ୍କା ଯାଇଥିବା ତାଙ୍କୁ ନଜର ଆସିଥିଲା ଯାହା ପେଶୱା ବାଜିରାଓଙ୍କ ଭଳି ଦେଖାଯାଉଥିଲା । ରଣବୀର ଏହାର ଫଟୋ ଉଠାଇ ସମସ୍ତଙ୍କୁ ଦେଖାଇଥିଲେ । ଫଟୋ ଦେଖି ସମସ୍ତେ ମାନିଥିଲେ ଯେ ଏହା ପୁରା ବାଜିରାଓଙ୍କ ଭଳି ଦେଖାଯାଉଛି । ନିଜର ଏହି ଅନୁଭୂତିକୁ ସେୟାର କରି ରଣବୀର କହିଛନ୍ତି ଯେ ସେ ନିଜେ ମଧ୍ୟ ଏସବୁ କଥାରେ ବିଶ୍ୱାସ କରନ୍ତିନି କିନ୍ତୁ ସେ ଯେତେବେଳେ ଏସବୁ ନିଜେ ଦେଖିଲେ ତାଙ୍କୁ ଅଜବ ଲାଗିଥିଲା ।
ରଣବୀର ଦୀପିକାଙ୍କ ବାଜିରାଓ ମସ୍ତାନୀ ୨୦୧୫ ରେ ରିଲିଜ ହୋଇଥିଲା । ଫିଲ୍ମରେ ପ୍ରିୟଙ୍କା ଚୋପ୍ରା ମଧ୍ୟ ଅଭିନୟ କରିଛନ୍ତି । ଫିଲ୍ମ ବକ୍ସ ଅଫିସରେ ସୁପରହିଟ ହୋଇଥିଲା । ଫିଲ୍ମ ୩୦୦ କୋଟି ଆୟ କରିଥିଲା । ରଣବୀର ପେଶୱା ବାଜିରାଓ, ଦୀପିକା ମସ୍ତାନୀ ଓ ପ୍ରିୟଙ୍କା କାଶିବାଇ ଚରିତ୍ରରେ ଅଭିନୟ କରିଥିଲେ ।
