ରାୟଗଡା(ରତ୍ନଗିରି ନ୍ୟୁଜ) ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଳକ ଅନ୍ତର୍ଗତ ଦେବଗିରି ଶୈବ ପୀଠ ନିକଟରେ ଦେବଗିରି କଲେଜର ନୂତନ ଗୃହ ଉଦ୍ଘାଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ରାଜ୍ୟ ବିଜୁ ସ୍ବାସ୍ଥ୍ୟ କଲ୍ୟାଣଯୋଜନା ବୋର୍ଡର ଉପଦେଷ୍ଟା ସୁଧୀର ଦାସ ମୁଖ୍ୟ ଅତିଥି ଭାବେ ଯୋଗଦେଇବା ବେଳେ ସମ୍ମାନୀୟ ଅତିଥି ରୂପେ ସ୍ଥାନୀୟ ତହସିଲଦାର ଦେବାଶିଷ କର , ଜିଲ୍ଲା ପରିଷଦ ନିର୍ମଳା କାଡ୍ରାକା, କଲେଜ ପରିଚାଳନା କମିଟିର ସଭାପତି ଭି ୱାରା ପ୍ରସାଦ ରାଓ, ରାୟଗଡା ସ୍ଵୟଂସାଶିତ ମହାବିଦ୍ୟାଳୟର ପୂର୍ବତନ ଅଧ୍ୟାପକ ସୂର୍ଯ୍ୟ ନାରାୟଣ ତ୍ରିପାଠୀ ଓ କଲେଜ୍ ପରିଚାଳନା କମିଟିର ସମ୍ପାଦକ ତଥା ବରିଷ୍ଠ ସାମ୍ବାଦିକ ମାଉଡ଼ି ବାରିକ, ବିଡ଼ିଓ ସୁଧାକର ରଇତ ମଞ୍ଚାସିନ ହୋଇଥିଲେ। ପ୍ରଥମେ କଲେଜର ଛାତ୍ରଛାତ୍ରୀ ଅତିଥିମାନଙ୍କୁ ସ୍ଵାଗତ କରିବା ପରେ ଦ୍ୱୀପ ପ୍ରଜ୍ୱଳନ କରି କଲେଜର ନୂତନ ଗୃହକୁ ମୁଖ୍ୟ ଅତିଥିଙ୍କ ଦ୍ଵାରା ଶୁଭ ଉଦଘାଟନ କରାଯାଇଥିଲା । ଏହି ନୂତନ କଲେଜ ଗୃହ ଉଦଘାଟନ ଉତ୍ସବରେ ଅନ୍ୟ ମାନଙ୍କ ମଧ୍ୟରେ କଲ୍ୟାଣସିଂହପୁର ଥାନା ଅଧିକାରୀ ସୁକମା ହାଂସଦା, ଦେବଗିରୀ କ୍ରାନ୍ତିକାରୀ ଆଶ୍ରମର ବାବା ସତ୍ୟ ସ୍ବରୂପାନନ୍ଦ ଗିରି ଓ ସ୍ଥାନୀୟ ବୁଦ୍ଧିଜୀବୀ , ଛାତ୍ର ଛାତ୍ରୀ, ଅଧ୍ୟାପକ ଅଧ୍ୟାପିକା, ଅଭିଭାବକ ଓ କଲେଜ୍ ର ଅନ୍ୟ କତୃପକ୍ଷ ପ୍ରମୁଖ ଉପସ୍ଥିତ ରହିଥିଲେ।
