ବରୀ,୦୨/୦୯(ରତ୍ନଗିରି ନ୍ୟୁଜ) : ଯାଜପୁର ଜିଲ୍ଲା ବରୀ ବ୍ଲକ୍ ଅର୍ନ୍ତଗତ ସ୍ୱାଇଁଖଣ୍ଡ ପଞ୍ଚାୟତର ସୁବର୍ଣ୍ଣେଶ୍ୱର ମହାଦେବଙ୍କ ନିକଟରେ ଗତ ଶନିବାର ସଂଧ୍ୟାରେ ହାଇମାକ୍ସ ଲାଇଟ୍ର ଉଦ୍ଘାଟନ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଉଦ୍ଘାଟନି ଉତ୍ସବରେ ମୁଖ୍ୟ ଅତିଥିଭାବେ ବରୀ ବିଧାୟିକା ସୁନନ୍ଦା ଦାସ ଯୋଗ ଦେଇ ଏହାକୁ ଉଦ୍ଘାଟନ କରିଥିଲେ । ଆମ ମୁଖ୍ୟମନ୍ତ୍ରୀ ସବୁ ସମୟରେ ବିକାଶ ଉପରେ ଗୁରୁତ୍ୱ ଦେଇ ଆସୁଛନ୍ତି । ସୁବର୍ଣ୍ଣେଶ୍ୱର ମହାଦେବ ନିକଟରେ ଗ୍ରାମାଞ୍ଚଳ ହାଟ ହୋଇଥିବାବେଳେ ଅନେକ ଲୋକ ମଧ୍ୟ ଏଠାକୁ ଆସିଥାନ୍ତି । ଆଜି ହାଇମାକ୍ସ ଲାଇଟ୍ ଲାଗିବା ଦ୍ୱାରା ଏଠାରେ ଅନ୍ଧକାର ଦୂର ହୋଇପାରିଛି । ତେବେ ଏହାର ସୁରକ୍ଷା ସ୍ଥାନୀୟଲୋକଙ୍କର ରହିବ ବୋଲି ବିଧାୟିକା ଶ୍ରୀମତୀ ଦାସ କହିଥିଲେ । ଉଦ୍ଘାଟନୀ ଉତ୍ସବ ଅନ୍ୟମାନଙ୍କ ମଧ୍ୟରେ ବିଜେଡି ସଂଯୋଜକ ଦେବେନ୍ଦ୍ର ଦାସ, ଜିଲ୍ଲା ପରିଷଦ ସଭ୍ୟ ଅଶୋକ କୁମାର ସାମଲ, ବରୀ ପଞ୍ଚାୟତ ସମିତି ଉପାଧ୍ୟକ୍ଷା ଅର୍ଚ୍ଚନା ମଲିକ, ସ୍ଥାନୀୟ ସରପଞ୍ଚ ଶଙ୍କର୍ଷଣ ସ୍ୱାଇଁ, ପୂର୍ବତନ ସରପଞ୍ଚ ବିଜୟ କୁମାର ନାୟକଙ୍କ ସମତେ ବହୁ ଜନପ୍ରତିନିଧି ଯୋଗ ଦେଇଥିଲେ ।
