ଭୁବନେଶ୍ବର(ରତ୍ନଗିରି ନ୍ୟୁଜ) :-ସୁରେଶ କୁମାର ରାଉତରାୟ ମାନେ ଆମ ସୁର ଭାଇ କେବଳ ନାଁ ହିଁ ଯଥେଷ୍ଟ l ସାମ୍ପ୍ରତିକ ଓଡିଶା ରାଜନୀତିରେ ଜଣେ ସକ୍ରିୟ ରାଜନେତା ତଥା ଚର୍ଚିତ ଚେହେରା l ମାଡି ଚାଲ, ଆ ଥୁ ଏମିତି ଅନେକ୍ କିଛି ମନଛୁଆଁ ଡାଇଲଗ୍ ମାରି ସଭିଙ୍କୁ ନିମିଷକ ମଧ୍ୟରେ ନିଜର କରି ନେଉଥିବା ବ୍ୟକ୍ତି ଜଣଙ୍କ ହିଁ କେବଳ ସୁର ଭାଇ l ଖୋଲା ହୃଦୟର ମଣିଷ ସେ l ବୁଢ଼ା ଠାରୁ ଛୁଆ ଯାଏ ସଭିଙ୍କ ପ୍ରିୟ ସୁର ଭାଇ l ଯିଏ ଯେଉଁଠି ଦେଖିଲା ସେଇଠି ସୁର ଭାଇ ବୋଲି ଡାକ ପକାଇଲା l ଆଉ ସୁରଭାଇ ଭଲରେ ହେଉ କି ମନ୍ଦରେ ହେଉ ପହଂଚି ଯାଆନ୍ତି ସଭିଙ୍କ ପାଖରେ l ଆଜି ସୁର ଭାଇଙ୍କ 78 ତମ ଜନ୍ମ ଦିବସ l ଏହି ଅବସରରେ ରତ୍ନଗିରି ନ୍ୟୁଜ ଚ୍ୟାନେଲ ପକ୍ଷରୁ ସୁରଭାଇଙ୍କୁ ଅନେକ୍ ଅନେକ୍ ଶୁଭେଚ୍ଛା ଓ ଶୁଭ କାମନା l ଇଶ୍ଵର ତାଙ୍କୁ ଦୀର୍ଘାୟୁ ଓ ନୀରୋଗ ରଖନ୍ତୁ l ସୁର ଭାଇ ଏବେ ଜଟଣିର ବିଧାୟକ l ହେଲେ ସାମ୍ପ୍ରତିକ ରାଜନୀତି ରେ ରହିଥିବା ଚର୍ଚିତ ଚେହେରା ମାନଙ୍କ ମଧ୍ୟରେ ସେ ପୂରା ପୁରି ଭିନ୍ନ l ବିଧାନସଭା ଭିତରେ ହେଉ କି ବାହାରେ ଯେଉଁଠି ଦେଖ ସାଧାରଣ ଲୋକ ହୁଅନ୍ତୁ କି ଆମ ମିଡିଆ ବନ୍ଧୁମାନେ ନିହାତି ସୁର ଭାଇଙ୍କ ମୁହଁରୁ ଦୁଇ ପଦ ଶୁଣିବାକୁ ଅପେକ୍ଷା କରିଥାନ୍ତି l ସବୁ ବେଳେ ହସ ହସ l ଶତ୍ରୁକୁ ଅଳ୍ପ ସମୟରେ ମିତ୍ର ବନେଇ ଦେବାରେ ସୁର ଭାଇ ସିଦ୍ଧ ହସ୍ତ l ସେଇଥିପାଇଁ ତ ଅନେକ କୁହନ୍ତି ସୁର ଭାଇ ପରି ଭାଇ ଜଗତେ ନାହିଁ l
