କଳ୍ପନା ପଣ୍ଡା ଓଡ଼ିଶା କଂଗ୍ରେସ ପ୍ରଚାର ପ୍ରସାର କମିଟିର ସଦସ୍ୟା ମନୋନୀତ

ବରୀ,: ରାଜ୍ୟ ପ୍ରଦେଶ କଂଗ୍ରେସ କମିଟି ସଭାପତି ଶରତ ପଟ୍ଟନାୟକଙ୍କ ଅନୁମୋଦନ କ୍ରମେ କଳ୍ପନା ପଣ୍ଡାଙ୍କୁ ପ୍ରଚାର ପ୍ରସାର କମିଟିର ସଦସ୍ୟ ଭାବେ ମନୋନୀତ କରାଯାଇ ଅଛି । ସୂଚନାଯୋଗ୍ୟ କଳ୍ପନା ପଣ୍ଡା ଗତ ପଂଚାୟତ ନିର୍ବାଚନରେ ବରୀ ବ୍ଲକ ୨୪ ନଂ ଜିଲ୍ଲାପରିଷଦ ଜୋନରୁ ପ୍ରାର୍ଥିନୀ ଭାବେ ନିର୍ବାଚନ ଲଢିଥିଲେ । ନିର୍ବାଚନରେvପରାଜିତ ହେବା ପରେ ବରୀ ଅଂଚଳର ବିଭିନ୍ନ ସାମାଜିକ ଅନୁଷ୍ଠାନ ସହ ଜଡିତ ରହିବା, ଏହି ଅଂଚଳର ଅସୁବିଧାର ସମ୍ମୁଖୀନ ହେଉଥିବା ଲୋକମାନଙ୍କ ନିକଟରେ ପହଂଚିବା ଓ ତୃଣମୂଳ ସ୍ତରରୁ କଂଗ୍ରେସ ଦଳକୁ ସୁସଂଗଠିତ କରିବା କ୍ଷେତ୍ରରେ ତାଙ୍କର ପ୍ରମୁଖ ଭୂମିକା ରହିଥିଲା। ତାଙ୍କର ଅମାୟିକ ବ୍ୟକ୍ତିତ୍ଵ ଓ ଲୋକସମ୍ପର୍କ ପାଇଁ ଏହି ପଦବୀ ସେ ପାଇଛନ୍ତି ବୋଲି ବରୀ ବ୍ଲକ କଂଗ୍ରେସ ସଭାପତି ମନୋଜ ଦାସ, ବରୀ ନିର୍ବାଚନ ମଣ୍ଡଳୀର ଯୁବ କଂଗ୍ରେସ ସଭାପତି ଅପୂର୍ବ ସାମଲ, ସୋସିଆଲ ମିଡ଼ିଆ ମାନସ ପରିଡା, ରାମଚନ୍ଦ୍ର ମଲିକ, ରାଖଲ ମଲିକ ପ୍ରମୁଖ ମଧ୍ୟ ରାଜ୍ୟ ପିସିସି ସଭାପତିଙ୍କୁ କୃତଜ୍ଞତା ଜଣାଇଛନ୍ତି । ବିଶେଷକରି ତାଙ୍କର ପିତା ସ୍ବର୍ଗତ ନାରାୟଣ ପଣ୍ଡା ଆଜୀବନ କଂଗ୍ରେସର ସତସ୍ୟ ଭାବେ ରହିବା ପରେ ସେ ସେହି ଆଦର୍ଶରେ ଅନୁପ୍ରାଣିତ ହୋଇ କଂଗ୍ରେସ ଦଳରେ କାର୍ଯ୍ୟ କରୁଛନ୍ତି ବୋଲି ମତ ରଖିଛନ୍ତି। ଆଗାମୀ ଦିନରେ ବରୀ ନିର୍ବାଚନ ମଣ୍ଡଳୀରେ ମହିଳା କଂଗ୍ରେସ, ଯୁବ କଂଗ୍ରେସ, ଛାତ୍ର କଂଗ୍ରେସ, ଦଳିତ ମୋର୍ଚ୍ଚା ସମସ୍ତଙ୍କୁ ନେଇ କିଭଳି ଭାବରେ କଂଗ୍ରେସ ସଂଗଠନ ଦୃଢ଼ ହୋଇପାରିବ ସେ କ୍ଷେତ୍ରରେ ଉଦ୍ୟମ କରିବି ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି । ଏହି ପଦବୀ ପାଇବା ପରେ ପିସିସି ସଭାପତି ଶରଦ ପଟ୍ଟନାୟକଙ୍କୁ କୃଷ୍ଣଜ୍ଞତା ଜଣାଇବା ସହ ବରୀ ଅଂଚଳର କଂଗ୍ରେସ କର୍ମୀମାନଙ୍କୁ ମଧ୍ୟ କୃତଜ୍ଞତା ଜ୍ଞାପନ କରିଛନ୍ତି ।