ଗଞ୍ଜାମ(ରତ୍ନଗିରି ନ୍ୟୁଜ)୦୧/୦୪: ଗଞ୍ଜାମ ଜିଲ୍ଲାର ହିଞ୍ଜିଳି ବ୍ଳକ ଓ ହିଞ୍ଜିଳି ପୌରପରିଷଦ ପକ୍ଷରୁ ପବିତ୍ର ଉତ୍କଳ ଦିବସ ପାଳିତ ହୋଇଯାଇଛ। ହିଞ୍ଜିଳି ବ୍ଳକ ସମିତି ସଭାଗୃହରେ ହିଞ୍ଜିଳି ପୌରପରିଷଦରେ ଆଜି ୮୭ତମ ଉତ୍କଳ ଦିବସ ପାଳନ କରାଯାଇଛି । ଏହି କାର୍ଯ୍ୟକ୍ରମ କୁ ସ୍ଥାନୀୟ ବିଡ଼ିଓ ସୁବ୍ରତ କୁମାର ଜେନାଙ୍କ ଅଧ୍ୟକ୍ଷତାରେ ବ୍ଳକ ଅଧ୍ୟକ୍ଷା ,ଜିଲ୍ଲା ପରିଷଦ ସଦସ୍ୟ ଓ ସଦସ୍ୟା ମଞ୍ଚାସିନ ରହିଥିବା ବେଳେ ହିଞ୍ଜିଳି ପୌରପରିଷଦରେ ଅଧ୍ୟକ୍ଷ ସୁବାସ ଚନ୍ଦ୍ର ପୋଲାଇ ଓ କାର୍ଯ୍ୟ ନିର୍ବାହୀ ଅଧିକାରୀ ଡଃ ମନମୋହନ ସାହୁଙ୍କ ଅଧ୍ୟକ୍ଷତାରେ ଉତ୍କଳ ଦିବସ ପାଳନ କରାଯାଇଛି । ହିଞ୍ଜିଳି ବିଡ଼ିଓ ଜେନା ପ୍ରଦୀପ ପ୍ରଜ୍ବଳନ କରି ସ୍ବାଗତ ଭାଷଣ ଦେଇଥିଲେ । ପରେପରେ ମଞ୍ଚାସିନ ଅତିଥିମାନେ ହିଞ୍ଜିଳି ବ୍ଳକର ଉତ୍ତମ କାର୍ଯ୍ୟ ପାଇଁ କର୍ମଚାରୀମାନଙ୍କୁ ସମ୍ମାନିତ କରିଥିଲେ । ସେହିପରି ହିଞ୍ଜିଳି ପୌରପରିଷଦରେ ସଫେଇ ଦିଦି ଓ କର୍ମଚାରୀଙ୍କ ପାଇଁ ସ୍ବାସ୍ଥ୍ୟ ପରୀକ୍ଷା ଶିବିର ସହ ଓଡ଼ିଶାର ମହାପୁରୁଷଙ୍କ ଫୋଟତୈଳ ଚିତ୍ର ଚରିତ୍ରର ପ୍ରଦର୍ଶନୀ ମଧ୍ୟ ଉକ୍ତ କାର୍ଯ୍ୟକ୍ରମରେ ଆୟୋଜନ କରାଯାଇଥିଲା ।ଏହି କାର୍ଯ୍ୟକ୍ରମ ବେଳେ ସମସ୍ତ ବ୍ଳକ କର୍ମଚାରୀ ମାନେ ଉପସ୍ଥିତି ସହ ବ୍ଳକ ଅଧ୍ୟକ୍ଷା ସରସ୍ବତୀ ସେଠୀ ଜିଲ୍ଲା ପରିଷଦ ସଦସ୍ୟା ଓ ସଦସ୍ୟ ଲୋକପ୍ରତିନିଧି ବୃନ୍ଦ ମଧ୍ୟ ଉପସ୍ଥିତ ରହି ଉକ୍ତ କାର୍ଯ୍ୟକ୍ରମରେ ସହଯୋଗ କରିଥିଲେ । ସେହିପରି ହିଞ୍ଜିଳି ପୌରପରିଷଦର କର୍ମଚାରୀ ବୃନ୍ଦମାନେ ଯୋଗଦେଇ ସମସ୍ତ କାର୍ଯ୍ୟକ୍ରମରେ ସହଯୋଗ କରିଥିଲେ।
ରିପୋର୍ଟ :-ରଂଜିତ କୁମାର ପୋଲାଇ
