ବରୀ (ରତ୍ନଗିରି ନ୍ୟୁଜ) :- ଆଜି ବରୀ ବ୍ଲକ ଅନ୍ତର୍ଗତ ମହେଶ୍ୱର ମଲ୍ଲ ଉଚ୍ଚବିଦ୍ୟାଳୟ ପରିସରରେ ଚାଳଘର ସାହିତ୍ୟ ସଂସଦ ବରୀ ତରଫରୁ ଗୁରୁପୂଜନ ଉତ୍ସବ ସଭାପତି ଆଇନଜୀବୀ ବିରଜା ପ୍ରସାଦ ପରିଡା ସଭାପତିତ୍ୱ ଆୟୋଜିତ ହୋଇଥିଲା I ଏହି ଗୁରୁପୂଜନ କାର୍ଯ୍ୟକ୍ରମରେ ବରୀ ବିଧାୟିକା ସୁନନ୍ଦା ଦାସ ମୁଖ୍ୟଅତିଥି ଭାବେ ଯୋଗଦେଇ ଗୁରୁ ଅଜ୍ଞାନ ରୂପକ ଅନ୍ଧକାରକୁ ଦୁରୀଭୂତ କରି ଜ୍ଞାନ ରୂପକ ଆଲୋକ ପ୍ରଦାନ କରିଥାନ୍ତି ବୋଲି ମତ ଦେଇଥିଲେ I ଏହି କାର୍ଯ୍ୟକ୍ରମ ବରୀ ଅଂଚଳର ବହୁ ଶିକ୍ଷକ ଶିକ୍ଷୟିତ୍ରୀଙ୍କୁ ମାନପତ୍ର ଓ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ଚାଳଘରର ତୃତୀୟ ବାର୍ଷିକ ପାଳନ ଓ ପବିତ୍ର ଗୁରୁଦିବସ ଅବସରରେ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା I ଶିକ୍ଷକ ନିର୍ମଳ କୁମାର ଜେନା ଅତିଥି ପରିଚୟ ପ୍ରଦାନ କରିଥିଲେ ।
ସେହିପରିସ୍ନମାନିୟ ଅତିଥି ଭାବେ ବରୀ ଶିକ୍ଷା ମଣ୍ଡଳ ଅଧିକାରୀ ସୁଦର୍ଶନ ମଲିକ, ସ୍ଥାନୀୟ ସରପଂଚ କେଦାର ସାମଲଙ୍କ ସମେତ ବହୁ ଶିକ୍ଷକ ଓ ଶିକ୍ଷୟିତ୍ରୀ ଉପସ୍ଥିତ ରହି ଗୁରୁଦିବସ ଉପରେ ଆଲୋକପାତ କରିଥିଲେ । ଉକ୍ତ କାର୍ଯ୍ୟକ୍ରମକୁ ସ୍ଥାନୀୟ ଅଞ୍ଚଳର ବୁଦ୍ଧିଜୀବୀ, ଯୁବକ ଓ ସାମାଜିକ ସଂଗଠନ ସହଯୋଗ କରିଥିବାରୁ ପରିଶେଷରେ ସଂସଦର ସମ୍ପାଦକ ବରିଷ୍ଠ ସାମ୍ବାଦିକ ପ୍ରତାପ ଦାସ ଧନ୍ୟବାଦ ଅର୍ପଣ କରିଥିଲେ I
