ବରୀ (ରତ୍ନଗିରି ନ୍ୟୁଜ) : ଆଜି ଯାଜପୁର ଜିଲ୍ଲା ବରୀ ବ୍ଲକ ଅନ୍ତର୍ଗତ କୁସବଟ ଜଗନ୍ନାଥ ମନ୍ଦିର ପରିସରରେ ରାଓଡି ଫୋର୍ସ, ଭ୍ରଷ୍ଟାଚାର ଓ ଅମଣିଷ ମୁଭି ର ଶୁଭ ମହୁରତ ଉତ୍ସବ ଅନୁଷ୍ଠତି ହୋଇଯାଇଛି l ଜି କୋଣାର୍କ ବ୍ୟାନରରେ ନିର୍ମିତ ହେବାକୁ ଯାଉଥିବା ମୁଭି ଗୁଡିକର ପ୍ରଯୋଜନା ଯଯାତି କେଶରୀ ନାୟକ କରିଥିବା ବେଳେ ଏହାର ରଚନା ଓ ନିର୍ଦ୍ଦେଶନା ପଙ୍କଜ କୁମାର ମହାନ୍ତି ଦେଉଥିବା ଜଣାପଡ଼ଛି l ଆଗାମୀ ମକର ସଂକ୍ରାନ୍ତି ଠାରୁ ଏହାର୍ ସୁଟିଂ ଆରମ୍ଭ ହେବାକୁ ଥିବା ବେଳେ ଗ୍ରାମାଞ୍ଚଳର କଳାକାର ମାନଙ୍କୁ ନେଇ ହିନ୍ଦୀ ଫିଲ୍ମ ନିର୍ମାଣ କରାଯିବା ଏକ ରିକ୍ସ କାମ ହୋଇଥିଲେ ବି ଏଥିରେ ସଫଳତା ମିଳିବ ବୋଲି ଆଶା ରଖିଛନ୍ତି ଏହାର୍ ପ୍ରଯୋଜକ ଯଯାତି କେଶରୀ ନାୟକ l ମୁଭି ତିନୋଟି ଭିନ୍ନ ଭିନ୍ନ କଥା ବସ୍ତୁକୁ ନେଇ ଗତି କରୁଥିବା ବେଳେ ବଳିଷ୍ଠ କାହାଣୀ ଏହାକୁ ଅନେକ୍ ଆଗକୁ ନେବାରେ ପ୍ରମୁଖ ଭୂମିକା ଗ୍ରହଣ କରିବ ଓ କଳାକାରମାନେ ଖୁବ୍ ଉଚ୍ଚମାନର ଅଭିନୟ ଦ୍ଵାରା ଦର୍ଶକମାନଙ୍କୁ ବାନ୍ଧି ରଖିବାରେ ସଫଳ ହେବ ବୋଲି କହିଛନ୍ତି ନିର୍ଦ୍ଦେଶକ ପଙ୍କଜ କୁମାର ମହାନ୍ତି l ଉକ୍ତ ଉତ୍ସବରେ ଅନ୍ୟ ମାନଙ୍କ ମଧ୍ୟରେ ନଗେନ୍ ଜେନା, ନଳିନୀ ଦାସ, ମିଲୁ, ଗୌତମ ଓ ଅନ୍ୟାନ୍ୟ କଳାକାର ପ୍ରମୁଖ ଉପସ୍ଥିତ ଥିଲେ l
