ବଲାଙ୍ଗିର (ରତ୍ନଗିରି ନ୍ୟୁଜ) : ବଲାଙ୍ଗିର କଲେଜ ଛକରେ ଯୁବକଙ୍କୁ ସଂଗବଦ୍ଧ ଭାବେ ମରଣାନ୍ତକ ଆକ୍ରମଣ। ଆକ୍ରମଣର ଶିକାର ହୋଇଥିବା ଯୁବକ ଜଣକ ହେଲେ ବଲାଙ୍ଗିର କଲେଜ ଛକ ଖଇରାପଡାର ରୁଦ୍ର ମନହୀରା । ତାଙ୍କ ମୁଣ୍ଡରେ ଥିବା ଶକ୍ତ ଆଘାତ ଲାଗିବା ସହ ଶରୀରର ବିଭିନ୍ନ ସ୍ଥାନରେ କ୍ଷତ ହୋଇଛି । ତାଙ୍କୁ ଗୁରୁତର ଅବସ୍ଥାରେ ଭୀମଭୋଇ ମେଡ଼ିକାଲ କଲେଜ ହସ୍ପିଟାଲରେ ଭର୍ତ୍ତି କରାଯାଇଛି।
ସୂଚନା ଅନୁସାରେ ରୁଦ୍ର ଗତକାଲି ରାତି ପ୍ରାୟ ୮ ଟା ସମୟରେ କଲେଜ ଛକରୁ କିଛି ସାମଗ୍ରୀ କିଣିବା ପାଇଁ ଆସିଥିଲେ। ହଠାତ ୫ ରୁ ଉର୍ଦ୍ଧ୍ବ ଯୁବକ ରୁଦ୍ର ଉପରକୁ ମାରଣାସ୍ତ୍ରରେ ଆକ୍ରମଣ କରିଥିଲେ। ଘଟଣା ସ୍ଥଳରେ ରୁଦ୍ର ଅଚେତ ଅବସ୍ଥାରେ ପଡିଥିବା ବଳେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ମେଡିକାଲ ଆଣିଥିଲେ। ପୂର୍ବ ଶତ୍ରୁତାକୁ କେନ୍ଦ୍ର କରି ଆକ୍ରମଣ ହୋଇଥିବା ସନ୍ଧେହ କରାଯାଉଛି। ଘଟଣା ସ୍ଥଳରେ ଟାଉନ ପୋଲିସ ପହଞ୍ଚି ତଦନ୍ତ ଜାରି ରଖିଛି ।
