ହିଂଜିଳିକାଟୁ (ରତ୍ନଗିରି ନ୍ୟୁଜ): ହିଂଜିଳି ବ୍ଲକ ରେ ୨୦୨୨ ପଞ୍ଚାୟତ ସ୍ତରରେ ତ୍ରିସ୍ତରୀୟ ନିର୍ବାଚନ ପାଇଁ ପ୍ରାର୍ଥୀ ପତ୍ର ଦାଖଲ ପାଇଁ ପ୍ରକ୍ରିୟା ଆରମ୍ଭ ହୋଇଯାଇଛି। ୨ୟ ଦିବସ ସୁଦ୍ଧା ୭୦ ଜଣ ଓ୍ବାର୍ଡ଼ମେମ୍ବର ପାଇଁ ନାମାଙ୍କନ ପତ୍ର ଦାଖଲ କରିଥିଲା ବେଳେ ୧୨ଜଣ ସରପଞ୍ଚ ପ୍ରାର୍ଥୀ ଓ ୪ ଜଣ ସମିତି ସଭ୍ୟ ପଦବୀ ପାଇଁ ନାମାଙ୍କନ ପତ୍ର ଦାଖଲ କରିଛନ୍ତି। ନିର୍ବାଚନ ବିଜ୍ଞପ୍ତି ପ୍ରକାଶ ପାଇବା ପରଠାରୁ ବିଭିନ୍ନ ରାଜନୈତିକ ଦଳରେ ପ୍ରାର୍ଥୀ ହେବାପାଇଁ ଆଶାବାନ୍ଧି ରହିଛନ୍ତି ଆଶାୟୀ ପ୍ରାଥୀ । ଏହି ପରିପ୍ରେକ୍ଷୀରେ ସୋମବାର ଠାରୁ ନିର୍ବାଚନ ରଣାଙ୍ଗନରେ ଦଣ୍ଡାୟମାନ ହେବାକୁ ଥିବା ପ୍ରାର୍ଥୀ ମାନେ ସୋମବାର ଠାରୁ ନାମାଙ୍କନ ପତ୍ର ଦାଖଲ କରିବା ଆରମ୍ଭ ନିଜ ନିଜର ସମର୍ଥକ ଓ ପ୍ରସ୍ତାବକଙ୍କୁ ନେଇ କରିଛନ୍ତି । ନିର୍ବାଚନ ମଇଦାନ ପାଇଁ ଶିକିରି ପଞ୍ଚାୟତରୁ ସର୍ବାଧିକ ୩ଜଣ ସରପଞ୍ଚ ପଦବୀରେ ପ୍ରତିଦ୍ବନ୍ଦିତା ସକାଶେ ଥିଲା ବେଳେ ଗଣ୍ଡଳା ପଞ୍ଚାୟତ ସମିତିସଭ୍ଯ ପାଇଁ ୨ଜଣ ମାତ୍ର ଆଶାୟୀ ପ୍ରାର୍ଥୀ ନାମାଙ୍କନ ପତ୍ର ଦାଖଲ ମଙ୍ଗଳବାର ଦିନ ସୁଦ୍ଧା କରିଛନ୍ତି । ସେହିପରି ୱାର୍ଡ଼ ସଭ୍ୟ ସକାଶେ ସ୍ଥାନୀୟ ବ୍ଳକର ଶିକିରି ପଞ୍ଚାୟତରୁ ମୋଟରେ ୧୪ଜଣ ଆଶାୟୀ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବା ହିଞ୍ଜିଳିକାଟୁ ନିର୍ବାଚନ ଅଧିକାରୀ ସୁବ୍ରତ କୁମାର ଜେନାଙ୍କ ସୁତ୍ରରୁ ପ୍ରକାଶ ।
ରିପୋର୍ଟ :-ରଂଜିତ କୁମାର ପୋଲାଇ
